張馨月晒幸福老公幫手孭奶粉袋

東方日報
·1 分鐘文章

有女萬事足的林峯,近期憑主演的《使徒行者3》再創熱話,同時被指有機會零的突破,問鼎無綫視帝寶座。不過近日他缺席《使》劇宣傳活動,原因是他在內地趕拍另一劇集搵奶粉錢,加上要幫老婆張馨月湊女,分身不暇,並放下Chok爆形象孭「奶粉袋」,做「暖爸」緊要過爭視帝!

張馨月日前在社交網發文,透露懷孕後已四出搜羅嬰兒用品,並晒約值1萬多元、來自法國的「奶粉袋」,袋中的物品包括奶樽及保溫杯等,又晒林峯孭「奶粉袋」的背影相,笑言是「直男背包」,她留言:「看我家先生背的毫無違和感。」不少網友大讚「奶爸背得真型」、「直男背影好帥」。另外,藝人徐榮在電台節目訪問中表示,與林峯和楊茜堯等為同屆藝員訓練班:「我自覺外形OK,當年5千幾人收12個學生,幻想:『呢鋪仲唔掂?我仲唔係Super Star?』當時林峯、楊明未識化妝好薯嘜,我覺得自己有機會跑出,但一畢業先知現實係殘酷。」