彭慧中被爆低胸搵食誘仔𥄫

孫慧雪(右)做「二五仔」篤爆彭慧中性感開工,真係大整蠱!
孫慧雪(右)做「二五仔」篤爆彭慧中性感開工,真係大整蠱!

藝人孫慧雪與彭慧中昨日出席無綫節目《搵食飯團》記者會,彭慧中以低V裝晒「胸器」,性感省鏡。孫慧雪更踢爆她拍節目時一樣性感,連周志康都忍唔住𥄫!

無綫節目《搵食飯團》新一輯主持孫慧雪、彭慧中、趙希洛、鄧以婷、王子涵、蔚雨芯、周志康及丘梓謙,昨日在將軍澳電視城出席記者會,並即席跟燒豬師傅學烤豬,期間雞手鴨腳,場面搞笑!元祖級主持陳國峰與鄧佩儀到場支持,並分享心得,鄧佩儀笑指可以盡情食,不用顧儀態。

孫慧雪早餐烚烚吓

彭慧中以低V裝亮相晒「胸器」,相當性感,訪問期間,孫慧雪笑指不許她拿訪問咪,以免遮住「重點」!問彭慧中平日拍節目是否一樣性感?她笑言因為見傳媒才穿得漂亮點,孫慧雪卻篤爆她:「佢開工都係咁着o架!我同周志康成日(目及)佢,哈哈!」二人不約而同表示拍攝節目以來肥了約十磅,彭慧中笑說:「開工試過一日食四餐,由朝食到晚,開工嗰日早午晚餐都唔使食。」孫慧雪更笑指試過一日五餐:「試過有次壞機,最誇張一日食咗五餐,仲要一朝早走去打邊爐!」

二人因拍攝節目而成為好友,孫慧雪笑指雙方有「分工」,她說:「佢負責記晒啲稿,我就負責食,有時食到連稿都唔記得講。」彭慧中大讚二人投契:「我哋原本唔識,但第一日拍節目已經撻着咗,不停講嘢,原來佢係傻嘅!」

鄧佩儀燒豬時論論盡盡,身後的陳國峰掛住吹水冇幫手!
鄧佩儀燒豬時論論盡盡,身後的陳國峰掛住吹水冇幫手!
鄧以婷唔執輸打大心口,加啲喱士若隱若現。
鄧以婷唔執輸打大心口,加啲喱士若隱若現。
趙希洛瘦蜢蜢,舉隻豬都冇乜力。
趙希洛瘦蜢蜢,舉隻豬都冇乜力。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能