影后露兩手 狂吸35萬粉絲 惠英紅「煮」攻KOL

東方日報
·1 分鐘文章
惠英紅煮出一枱美食,拍片大晒廚藝!
惠英紅煮出一枱美食,拍片大晒廚藝!

影后惠英紅近期主攻網上平台,透過入廚煮食的短片大晒廚藝,吸引35萬多粉絲追隨。對飲食甚有研究的她,亦走訪深圳多間食店拍片分享,被封為「影后級飲食界KOL」。

惠英紅近期忙裏偷閒,空餘時間都會邀約好友聚會,更親自下廚大展功架,並將珍貴的入廚片段上載到社交媒體與粉絲分享。片中見她廚藝相當了得,無論炸雞翼、白玉翡翠珍珠湯、辣子雞、中西混搭煎鯧魚,都駕輕就熟未有把她難倒,單憑刀功和手勢,已展示出其廚藝高超。

她表示近期有較多私人時間,可以相約好友見面:「過門都係客,啲片都係朋友幫我拍嘅,拍咗咪放上網同大家分享囉!通常三五知己嚟到會煮4、5道菜。其實我平時一個人食飯都會煮,人多咪煮多啲囉,咁煮嘢食我又OK嘅。」

大街小巷「搵食」

對飲食相當講究的她,亦不時四出找尋坊間美食。近期因疫情關係不時在深圳休息的她,亦會走訪大街小巷食店,西餐廳、日式燒肉和茶餐廳都有其足迹。不過,有指當地近日出現缺水問題,她說:「未有聽聞,都唔擔心,自己都冇受影響。」對於已有35萬粉絲追隨,獲網友大讚她這位影后級飲食界KOL難能可貴,她謙虛地說:「拍吓片分享啫,唔係轉做KOL,可以同朋友分享美食,已經好開心啦!」

一有時間,四圍搵好嘢食!
一有時間,四圍搵好嘢食!