影響拍攝進度晒冧!龔嘉欣 「生蛇」焗停工休養

東方新地 - 娛聞
東方新地

香港人工作繁忙生活忙碌,尤其是名人明星,工作不定時壓力又大,免疫力容易變差,一個唔覺意隨時「生蛇」(醫學上稱帶狀疱疹感染)!好似蕭正楠、陳慧琳、林保怡同顏卓靈也曾深受其害, 除了會紅腫爛肉嚇親人,又要食抗病毒藥控制。如果病情嚴重,分分鐘會眼盲或耳聾,唔講得笑!而龔嘉欣(Katy)近日自爆患上俗稱「生蛇」的帶狀疱疹,仲被迫要停工㖭⋯

撰文:東方新地 |圖片:新傳媒圖片、龔嘉欣ig

延伸閱讀:

我真係恭喜你!原來楊思琦同李嘉欣係親戚!15個估佢唔到明星親戚大揭秘!

隱形男友送車又送樓!葉璇:愈愛你的人,愈會主動為你花錢…

龔嘉欣 「生蛇」焗停工休養

龔嘉欣(Katy)近日同姚子羚、黃子恆飛咗去馬來西亞拍攝新一輯飲食節目,仲品嚐當地特產榴槤,但唔知係咪太忙冇時間休息,今日佢喺社交網自爆患上俗稱「生蛇」嘅帶狀疱疹,暫時要停工休養一排,並為影響工作進度而致歉。Katy話已經睇咗醫生,上載咗自拍照同一堆藥物嘅相報平安。


佢留言話:「對不起,因為身體狀況影響了拍攝,我已回到香港,看了醫生,確定是『生蛇』,醫生說需要靜靜休息一段時間。謝謝在我生病時候照顧我的同事,也希望大家都多注意自己身體,可以的睡多點,休息多點,放鬆一點。」



蕭正楠生蛇 一掂就痛

蕭正楠當年趕拍《翻生武林》嘅同時,又要為《巨輪II》宣傳,太忙長期唔夠瞓下搞到抵抗力下降,成個背脊生晒蛇!蕭正楠話當時背脊有啲痛,隔兩日仲愈生愈多,要食抗生素控制,而且拍攝時要就住傷口,否則一掂到就會痛!甚少請假的蕭正楠曾經痛到要停廠一晚休息,難怪女友黃翠如都大感心痛﹐除咗介紹醫生畀男友,翠如媽咪仲煲埋愛心蟲草湯畀未來女婿飲!

蕭正楠當年拍翻生武林期間「生蛇」,佢仲自拍分享!
蕭正楠當年拍翻生武林期間「生蛇」,佢仲自拍分享!
蕭正楠當年拍《翻生武林》期間「生蛇」!
蕭正楠當年拍《翻生武林》期間「生蛇」!
咪睇蕭正楠大大隻咁健碩,當年拍《翻生武林》期間「生蛇」!
咪睇蕭正楠大大隻咁健碩,當年拍《翻生武林》期間「生蛇」!

 

蕭正楠「生蛇」期間,幸有翠如照顧,翠如媽仲煲湯畀佢飲㖭!
蕭正楠「生蛇」期間,幸有翠如照顧,翠如媽仲煲湯畀佢飲㖭!

陳慧琳生蛇 右手花晒

其實唔少藝人都試過「生蛇」,好似陳慧琳Kelly喺14年自爆「生蛇」,佢話因為細個曾經生過水痘,體內剩番少少菌引致「生蛇」。當時右手手心同右臂都有大大笪紅印,嚇到坐隔離嘅古天樂即刻彈開!

靚媽Kelly都試過生蛇!
靚媽Kelly都試過生蛇!
難得Kelly「生蛇」仲笑得出!
難得Kelly「生蛇」仲笑得出!

陳慧琳話佢黐晒膠布,在家中亦會着長袖衫,所以肯定唔會傳染俾老公同兩個囝囝喎!

睇真啲,Kelly生蛇唔算嚴重,但玉手一撻撻紅印!
睇真啲,Kelly生蛇唔算嚴重,但玉手一撻撻紅印!
古仔見到Kelly生蛇,嚇到彈開!
古仔見到Kelly生蛇,嚇到彈開!

顏卓靈生蛇 背脊留疤

24歲的顏卓靈當年日忙夜忙宣傳電影《狂舞派》,同時亦要應付考慮,結果壓力爆煲。當時Cherry背脊又痕又痛,以為只係只係皮膚敏感,自把自為搽類固醇,反而令病情惡化,現時背脊仍留有疤痕,着露背裝都要用厚粉遮住!

顏卓靈原來都試過生蛇!
顏卓靈原來都試過生蛇!
顏卓靈早年生蛇,但現時背脊仍留有疤痕,着露背裝都要用厚粉遮住!
顏卓靈早年生蛇,但現時背脊仍留有疤痕,着露背裝都要用厚粉遮住!

林保怡「蛇粒」纏腰

2010年時,林保怡自爆腰間突然生了一堆粒粒,初時以為被蝨咬,但試過各種止痕方法都冇用,過一排更開始痛,粒粒仲生到去身前。當時同林保怡一齊拍電視劇《讀心神探》的田蕊妮都見過對方有幾痛苦,好彩最後食藥可以控制到,大約兩至三個星期即完全康復!

林保怡拍電視劇《讀心神探》 期間生蛇!
林保怡拍電視劇《讀心神探》 期間生蛇!
林保怡話最初生蛇以為被蝨咬,幸好未有掉以輕心!
林保怡話最初生蛇以為被蝨咬,幸好未有掉以輕心!

延伸閱讀:

伍樂怡遊關島晒小蠻腰 3日2夜性感又陽光

其他內容