後巷被抽水 江嘉敏靠床上運動搣脂

東方日報
·1 分鐘文章
Fit了不少的江嘉敏大晒「絕對領域」。
Fit了不少的江嘉敏大晒「絕對領域」。

江嘉敏日前在中環拍攝無綫劇集《黯夜守護者》,劇中演網紅的她在後巷被抽水。現場見她身形Fit了不少,她直言是床上運動的成果!

江嘉敏的角色是一個20歲網紅,不時四圍拍片,往往會拍到些不為人知的事件。劇情講她膽粗粗穿短裙襯長靴,去後巷找學生哥「攞料」,務求找出犯罪真相,期間被人搭膊「抽水」,但她受訪時笑言現實中從未受過「小鮮肉」傾慕。

日日受誘惑

提到男友之前叫她減肥,身形明顯消瘦的她說:「其實劇入面我係火鍋店太子女,所以呢幾日拍廠景不停打邊爐!我本身已經戒咗澱粉質,每日主要食菜,個個都話我瘦咗啲。(有冇做運動?)我喺床上面做5分鐘Work out,好勤力,真係有效!」

新年例必增磅,她指母親已表明不會買年糕,但會自製健康糕點,又笑說:「已經有好多客戶好錫我,送咗好多糕點畀我,我會食嘅,攞個意頭嘛,但只限1、2件!」又指今年準備了5位數字封利是,笑說:「派多啲、賺多啲!」

江嘉敏去後巷攞料,結果被人搭訕摸膊頭。
江嘉敏去後巷攞料,結果被人搭訕摸膊頭。