【得棚骨仲要巡遊】70歲可憐大象 不支倒下了

19+

 

尋日報道過呢隻斯里蘭卡70歲可憐大象Tikiiri,

即使瘦骨嶙峋都仲要參與佛教儀式巡遊。

 

事件引起關注,有傳媒拍到Tikiiri 嘅最新情況……

見到佢攤咗喺地,被一群人圍住。配相嘅描述話,

旁邊嘅人,一係欲救無從,一係袖手旁觀。

斯里蘭卡嘅旅遊官員表示,已經立即派獸醫跟進Tikiiri 嘅健康狀況,

並且徹查邊個要Tikiiri 巡遊,必要時會追究。

 

但係斯里蘭卡駐倫敦大使館發言人回應話,

Tikiiri 健康狀況良好,只係瞓醒覺起企唔返起身,仲強調佢地國家好注重動物權益。

 

而斯里蘭卡政府回覆傳媒時話,

了解過事件,澄清有關廟宇只係安排Tikiiri 參與巡遊一次,

發覺佢健康唔太好,徵詢過主人同意就立即俾Tikiiri 休息。

 

負責照料Tikiiri 嘅獸醫透露,Tikiiri 以前喺野生動物園「工作」,

身體毛病同年邁有關,要每個禮拜見醫生跟進。

 

已經有關注呢件事嘅網民發起聯署,希望Tikiiri 得到適當照顧。

呢期簽咗好多聯署嘅你,可以支持埋呢個

原文傳送門

 

你可能還想看