從影以來「最大膽」鄧麗欣直認向王子備案

·1 分鐘文章
馬志威與鄧麗欣於片中有不少親熱戲。
馬志威與鄧麗欣於片中有不少親熱戲。

鄧麗欣(Stephy)和憑內地劇《三十而已》爆紅的馬志威,昨日為新片《12日》進行開鏡拜神儀式,飾演夫妻的2人近日拍攝連場親熱戲,Stephy形容是從影以來,螢幕上「最大膽」的一次:「喺床度露出個膊頭囉,唔知係咪我保守啦,不過意識好大膽。」問她可有向台灣藝人男友王子(邱勝翊)備案?她坦言:「有傾過,不過佢都拍戲,都有親熱場口,咁咪公平囉,我唔會問佢太多。」談及早前男友來港,她稱由於疫情關係鮮有外出,整個星期都留在家中:「冇咩做過,都係傾偈,因為好耐冇見,好多嘢傾。(關係昇華?)升咗上神壇,好犀利。」

至於馬志威大讚能與Stephy合作「感覺好正」,雖然片中要拍所有情侶都會做的事,但沒有尷尬,又多謝對方經常提點,問到是否指床戲,他即說:「係演技同各方面,佢好專業。」至於他在內地人氣高企,問可會主力北上拍戲?他表示視乎工作需要,覺得在港拍戲可以講廣東話就較爽,自問普通話講得「甩咳」。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能