德國研究:肥仔肥妹數學較差?

學童肥胖問題越嚟越嚴重,但原來除咗會造成健康問題之外,仲會影響讀書成績。德國一項研究指出,肥胖學生會影響數學成績同埋升學機會。

德國柏林社會科學研究中心一項研究發現,身材肥胖嘅小朋友數學成績雖然唔係最差,但係要達到「好」同「非常好」嘅機會率,就比其他體重正常嘅學生低11%咁多!

研究同時證實,肥胖男女學童升上高中嘅機會都偏低,而過重嘅男學生能夠升上高中嘅機會更低。研究指之所以造成呢個情況,係因為老師主觀上會覺得肥胖學生嘅學習能力較差,而且家長對自己小朋友嘅表現都會缺乏信心,所以減低咗佢地接受高等教育嘅機會。

身型肥胖或者體重過重,無論對身體唔好定生活都的確唔好,所以記得要保持均衡飲食,身體健康啲讀書都醒神啲!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能