雅虎香港新聞 
《 心理追兇 》結局預告 馬明利用蔡思貝復仇
無綫劇《 心理追兇 Mind Hunter》今個星期日就大結局，劇情愈來愈緊張刺激，之前劇情講到馬明得知校園兇殺案的真相，原來係王君馨借韋家雄雙手殺害同學，亦係間接令湯洛雯遇上車禍的罪魁禍首！而開始走火入魔的馬明復仇心切，竟利用蔡思貝來讓王君馨露出本性！
延伸閱讀：
第二十五集 (28/4)
仲軒收到懲教署來電指健強喺獄中自殺，於是即刻通知泰然。泰然問海澄究竟同健強講左咩，仲想拉走海澄返警署，但童日唔俾，要泰然同佢道歉。泰然覺得仲軒同海澄早就識，但喺網上查唔到仲軒的資料。另一邊廂，童日打緊邊爐，見到童月同天揚細聲講大聲笑；當佢地返到屋企，童日突然叫天揚走。後來天揚追賊果陣又腳痛，仲累同事受傷內疚；天揚希望轉工，但童月覺得要解決腳痛先。童月覺得天揚腳痛係心理問題，所以想搵泰然幫手，結果輾轉之下天揚去見仲軒。
第二十六集 (29/4)
天揚請仲軒醫腳痛，仲軒懷疑佢患左上身心症，話佢腳痛的原因來於自已恐懼。仲軒參觀海澄的新公司，提醒海澄要小心泰然，但海澄話泰然冇朋友幫，唔洗驚佢。天揚聽到仲軒的提議，搵到恐懼後，決定要喺工作上據理力爭。仲軒問國豪有關泰然的舊事，國豪打算去仲軒診所，點知喺餐廳見到仲軒，於是偷換咗部裝左APP的手提電話俾仲軒。巧敏同仲軒去到餐廳，仲軒突然向巧敏求婚，巧敏好感動，但Zoe好嬲。國豪拜祭母親時發現墳頭被毀，好激動，泰然叫佢唔好再接受仲軒治療。
第二十五集 (大結局) (30/4)
巧敏話俾仲軒聽國豪死咗，警方認為國豪是被劫殺，但泰然認為喺仲軒同海澄殺死佢。仲軒知唔可以再呃巧敏，所以一五一十話哂俾巧敏聽。泰然成班人去酒吧懷念國豪，天揚指已經搵到線索，喺同酒吧的閉路電視有關，但童日話要改閉路電視好易。童月搵返以前負責跟進Zoe的社工，佢將Zoe以前的事話哂俾童月與天揚知。巧敏將請柬交俾泰然，泰然亦將仲軒的資料交給巧敏，但巧敏仍決定嫁給佢。天揚指警方在殺死國豪的兇器上發現Zoe的指模，所以佢的嫌疑最大。
天揚上公司見海澄，問佢有冇見過Zoe，海澄指自從Zoe失蹤之後再冇見過。警員指Zoe跳樓自殺，海澄大喊。天揚話童月因為見到事發經過被嚇暈。童月醒返發覺唔記得哂之前發生的野。泰然為童月進行催眠，希望令佢回憶起案發情境。童月透過泰然的引導，諗返Zoe死的情況。童日安慰海澄指Zoe唔喺自殺，話童月透過催眠知道當時天台上仲有另一個人。當童月喺街上等童日時突然遇襲，泰然捉拿犯人，童月被送到醫院搶救。泰然去見仲軒，話下一個要對付的人就是仲軒。
全文完
延伸閱讀：
