【心痛同歷離婚】笑霆鋒良心發現送豪宅 謝賢稱兩父子唔係好熟

其實謝賢知道霆鋒孝順,以講笑遮掩愛子之情。

【星島日報報道】「四哥」謝賢相隔30年重返無線拍劇,現年80歲的他依然精神奕奕,早前宣傳《賭城群英會》時,笑指以為在有生之年內都睇唔到劇集出街,談笑風生。 生活無憂的四哥與前妻狄波拉,生下謝霆鋒、謝婷婷一對仔女,均事業有成又孝順。早前霆鋒更豪擲8千5百萬購入淺水灣道豪宅給四哥賀壽,在今日的報道中,四哥表示數月後入伙,並幽默指好快畀返個仔,送樓是阿仔良心發現。談到兒女情,四哥讚婷婷獨立、孝順,不過結婚的事急不來;又讚霆鋒搞後期製作公司及飲食業的生意成績令人滿意,不過四哥又提及兩父子少相聚,跟霆鋒「唔係好熟」,好似冇個仔,霆鋒好似冇個老竇。看來四哥這樣形容父子關係,也是講笑。對於霆鋒和張栢芝的婚姻只維持5年,四哥自言感觸,覺得兒子像他走上離婚這條路,講起會忍不住喊,只要霆鋒喜歡,會不會再婚都由他選擇。身為爺爺的四哥,大約1、2個月見一次孫仔Lucas、Quintus,每次都是睇住孫仔和其他小朋友玩,沒有聊天,甚至不知道他就是爺爺;霆鋒則每兩星期會見一次囝囝,四哥又讚栢芝肯讓他見孫仔,對謝家好好。

睇更多