【忍咗16年】44歲小肥宣布出櫃 淚灑節目認同志身分

·2 分鐘文章
小肥宣布出櫃承認同志身分。
小肥宣布出櫃承認同志身分。

44歲歌手小肥(徐智勇)入行多年緋聞極少,早年網民發現其社交網追蹤多位健碩男,被質疑係同性戀,但當時小肥即否認:「我唔係基,但唔歧視同性戀。」日前小肥喺節目訪談中終於承認同志身份,宣布出櫃。當主持問小肥被記者追問係咪鍾意男人,會點樣回應嘅時候,小肥表示:「未準備好,其實一路都驚,心裏面有啲負擔...我其實到28歲先確定某啲嘢,28年,我都一直否定緊自己某啲嘢,習慣咗,同埋一個恐懼,自己都驚咗,如果承認咗某啲嘢會點呢?」

佢又提到2017年製作專輯《睡前服》時,監製康家俊曾指專輯主題係「坦白」,佢認為應該為自己嘅歌帶出一啲意思,理應實行:「佢哋都有問我,如果他朝一日,記者再問你會點呢?我想坦白,但係好難衝破,唔知點解。」當主持問到小肥係咪承認自己嘅性取向,佢自然點頭答:「係呀!」當吓嘅「坦白」小肥自己都嚇咗一跳,慌張話自己未準備好去面對,更忍唔住於節目中流淚。

今日小肥於社交網發文表示仍「驚魂未定」:「嚇親大家,唔好意思。仲好緊張,但我自豪。」唔少粉絲及藝人陳慧敏、方力申紛紛留言力撐,為佢出櫃行為感到驕傲。

28歲先確定性取向。
28歲先確定性取向。
小肥話一路好想坦白,但係好難衝破心理關口。
小肥話一路好想坦白,但係好難衝破心理關口。
忍唔住喺節目中落淚,場面感人。
忍唔住喺節目中落淚,場面感人。
小肥社交網表示自豪。
小肥社交網表示自豪。