【忽然富貴】傳龔嘉欣與富貴男拍拖 揸百萬跑車兼有助手執頭執尾

龔嘉欣
龔嘉欣

龔嘉欣(Katy)當年憑劇集《幕後玩家》一場喊戲,演技得到觀眾認同。入行以嚟一直以拍劇為主嘅龔嘉欣,早前參與拍攝新劇《大醬園》期間傳出與女一朱晨麗鬧不和,連劇集嘅煞科宴都缺席。近日有報道指嘉欣除咗有無綫高層曾勵珍(珍姐)撐腰之外,平時係慳妹嘅嘉欣仲忽然富貴添呀!

龔嘉欣
龔嘉欣

早前嘅不和傳聞爆出後,先後傳出兩個版本,第一個版本係有指龔嘉欣唔滿意劇組嘅安排而耍大牌同發脾氣,為咗自己可以唔使等開拍,擅自要求劇組改通告跳拍,搞到其他演員要等耐啲時間。另外嘅版本就係指朱晨麗享有特權,經常要劇組人員遷就時間,有一次朱晨麗遲到兩小時,要有份拍攝嗰一幕嘅演員等佢。

朱晨麗
朱晨麗

報道指突然富貴嘅嘉欣,原來係識咗個富貴男友。有知情人士透露嘉欣出入都係揸價值過百萬嘅靚跑車,車牌仲要係平時俾人稱呼為「Katy BB」嘅「KB」,而返工放工開劇亦會有七人車接送,仲要有私人司機。有司機都未算巴閉呀!佢而家連返工都有個助手幫佢,本身自己平時親力親為一腳踢,好多人都發覺嘉欣近期多咗位助手幫佢執頭執尾。

龔嘉欣喺今年情人節收到兩大束紅玫瑰,而報道亦指龔嘉欣身邊好友透露會唔係想爭做一姐,最想係組織家庭,所以拍完劇之後要好好休息,調理一下身體。其實都啱呀,今年30歲嘅嘉欣都係時候為自己著想一下啦!

龔嘉欣
龔嘉欣
龔嘉欣
龔嘉欣
龔嘉欣
龔嘉欣