怕被同學知住公屋與細妹同房 中大生佈景扮中產

疫情下學生要用ZOOM上課，難免被同學見到家中情況，有公屋大學生自卑⋯⋯ 住公屋一定要自卑嗎？做大學生一定要是有錢人嗎？有中大生就發文指，近月要用ZOOM上課，令家中公屋環境在鏡頭前曝光，「冇諗到疫情要係自己屋企上堂，屋企吵已經係好大問題」他怕所有同學都知道他住公屋，又與妹妹睡同一房，令他自卑，怕同學會歧視他，「好驚同學知道讀到大學都要同細妹瞓一間房」

他曾嘗試用虛擬背景又覺得效果不理想，又曾想過貼「一張假畫扮自己屋企係豪宅」，但又怕太假。 最後他想到一個辦法，用書櫃作背景布，再用貼紙貼牆上或者掛牆，他認為效果理想，「可以扮到間房大到可以擺大型書櫃」，甚至「有中產FEEl，應該呃到人。」他還分享這辦法，希望可以幫到其他公屋同學。 他寫「莫要鬧我欺騙感情，冇樓嘅我只是好想係香港扮一個有小小尊嚴嘅人。」

不少網民都留言鼓勵他，指出身不重要，認為他不需要自卑，又指「好多香港人就算冇兄弟姊妹都冇自己一間房」亦網民留言叫他不要自欺欺人，「尊嚴唔係咁攞㗎同學，窮其實唔係問題，窮所以覺得人地會睇唔起自己，然後用呢d方法去扮中產先係問題！」 小編都是公屋出身的大學畢業生，香港許多人都是住公屋長大，其實又有咩好怕喎！