急推太極專輯捱轟 「環球」道歉

殿堂級樂隊太極鍵琴手唐奕聰(Gary)前日疑因心臟病發猝逝,死訊傳出後,環球旗下社交網專頁「環球唱片中文經典」發文悼念︰「突然想聽太極!RIP~Gary Tong~」但同時附上太極專輯的選購連結,引起網友反感兼留言鬧爆,環球即時刪除貼文,並發出道歉啟事,聲稱「已嚴正處分有關同事」,其後更關閉專頁圖息民憤,惟不少網民轉到環球其他專頁繼續狂鬧。而太極成員鄧建明表示有留意此事,指環球高層有向太極成員傳訊息致歉,而他亦相信Gary不會太執着此事。

昨日Gary表弟李忠希受訪稱有跟表姐(Gary姊姊)聯絡︰「佢話暫時冇咩需要幫手,姨媽(Gary母親)年紀80幾歲,尋晚佢睇電視知道消息,當然係好傷心。(Gary喺街暈倒定家中猝死?)絕對唔係喺街,佢應該喺睡夢中、冇乜痛楚之下離開。」