怪客用電腦 公園偷拍小朋友？原來搞錯晒
世事太古怪，做人要打醒12分精神先得。
不過為免捕風捉影，記得呢期熱門字︰fact check！
喺加拿大多倫多，有人發現喺公園，出現一個電腦怪客。
點怪？推住架吉嘅BB車，上面有部電腦，疑似影住小朋友，
相當有可疑！
喂，點知係咪啲怪叔叔留影自用？
又或者係點定相再捉小朋友呢？
唔得！拉佢！
事件喺網路瘋傳之後，當地市政府出面澄清︰
呢位「怪客」其實係市府職員，佢做緊嘢！
原來呢期當局做緊審計報告，點算吓有咩遊樂設施要維修或改善，
而呢架裝咗電腦嘅吉BB車，就係用來紀錄散步道嘅路面狀況同斜道。
官員話好理解父母們點解咁擔心，
會提醒工作人員會帶返證件，證明真係做緊嘢。
係嘅，做嘢冇證件喺身，真係好容易出事。