怪賊偷嘢唔係為錢 竟然因為有陣味?

19+

 

賊仔點解要偷嘢?最常見理由係錢。

為錢犯事得人驚,如果係為咗一種氣味……其實仲得人驚。

 

熊本縣警方日前拘捕一名涉嫌盜竊嘅40歲男犯人。

呢位男子2017年8月喺當地一間高中嘅更衣室,偷走3支網球拍,約值港幣1600蚊。

事隔年幾被捕之後,據報呢位疑犯嘅犯案動機係……

 

佢覺得網球拍手柄嗰陣汗味好好聞。

有網友居然好同情呢位疑犯,認為「咩都有人沉迷架啦」。

 

因為氣味而犯事嘅唔止呢一單,東京有位五十幾歲嘅男子,

都係因為陣味而走去偷嘢被捕。

咁佢偷咩呢?唔係球拍。

 

而係一位喺家禽工廠工作嘅男子,著嚟開工嘅水鞋。

 

預防禽流感嘅口號,唔止有「勿摸活家禽」或者「唔好吹雞隻尾部」,

仲要提大家「唔好聞家禽廠員工對boot」!!

 

汗味原來有市場架!呢期天氣暖返咁多,

就發覺香港好多男人都可以考慮下去日本發展喇。

原文傳送門

你可能還想看