恨夫妻檔賺人仔 莊思敏氹台灣老公長駐內地

·2 分鐘文章
肯搏肯捱的莊思敏,最想拍真人騷節目。
肯搏肯捱的莊思敏,最想拍真人騷節目。

已為人妻的莊思敏,表面上看似放慢腳步,實情仍熱愛工作,已赴內地接受隔離,為連串商演及網上平台工作做準備。她笑言預計一個月後返港,不過由於未有香港工作,若然內地有人邀請,不排除繼續留低,並指台灣疫情嚴重,老公會赴內地與她團聚。

拍古裝 被語速考起

談到與老公婚後點滴,她坦言雙方幾個月才見一次面,平日只靠視像通話維繫感情:「我想長期見到,因為當我好忙,唔想花時間講電話,如果老公喺身邊可以講兩句,依家各有各忙,未必溝通到。(生B係計劃之內?)係,但唔係話生就生。(大住肚工作?)能力許可嘅情況下我可以,依家都不設防造人,冇刻意調理身體。」

為了一起生活,她坦言會與老公商量:「長遠咁樣唔可能,要搵個中間點生活,上海、北京好啲,因為內地多演藝工作機會。(拉埋老公做幕前?)唔拒絕,亦唔會專登鋪排,睇有冇需要,綜藝節目都可以嘅。(叫埋妹妹莊思明一齊?)睇佢男友楊明肯唔肯,因為阿妹係佢個影嚟,要睇主人肯唔肯先。」

提到她首次參演古裝劇《一笑渡凡間》,飾演有錢夫人,為幫做錯事的老公脫罪,不停利用舊愛張達倫。她笑言雖然與對方首次合作,但私下非常老友,拍攝時很愉快,唯一覺得困難是說話速度:「我平時講嘢好多口語化,拍嗰陣講咗唔覺,同埋唔可以講得太快,都用咗幾日先tune到。(有冇問思明意見?)佢不停笑我扮相,覺得我時代感太重,語速又快,但呢套係喜劇,我覺得一啲問題都冇囉,哈哈!」

莊思敏無意做少奶奶,繼續為事業搏殺。
莊思敏無意做少奶奶,繼續為事業搏殺。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能