情人節驚爆誕女!陳法拉晒BB手宣布做媽媽

·1 分鐘文章
情人節驚爆誕女!陳法拉晒BB手宣布做媽媽
情人節驚爆誕女!陳法拉晒BB手宣布做媽媽

現年38歲嘅女星陳法拉突然喺今日情人節宣布誕下女兒!一直都冇透露半點懷孕消息嘅佢上載兩公婆及BB手仔合照及喺海邊影嘅大肚相,留言:「十月懷胎真是不容易,但由看到她的那一刻開始,就覺得甚麼都是值得的。我們滿心歡喜地開始做新手爸爸媽媽喇!」並透露囡囡叫「小米妮」!曾同佢合作無綫劇《公主嫁到》嘅鍾嘉欣都留言祝賀!

陳法拉及鍾嘉欣留言
陳法拉及鍾嘉欣留言

法拉接受東網訪問時表示:「『小米妮』喺鼠年尾出世,順產,母女平安。似媽咪有很深的小梨窩。感謝大家的祝福,新手媽咪,所以也很忙,希望有機會盡快同大家見面。也祝大家牛年身體健康。」