惡鬥15年 型大叔冒起 陳展鵬藐爆 袁文傑

無綫熱播劇《不懂撒嬌的女人》,有林文龍與宣萱回巢坐鎮,不過一班師奶觀眾的焦點就去咗暖男王浩信同飾演大老闆游生的 袁文傑 身上!45歲 袁文傑 加盟無綫不出一年已成功彈出,身高六呎二仍然青靚白淨被封大叔男神,早前更與亞視同事陳展鵬 (煎Pang) 合作重頭劇《天命》。但兩位型佬不但私下冇交情,在亞視期間更因視對方為勁敵而有心病,有傳二人拍《天命》時話不投機半句多,煎Pang更在背後藐爆 袁文傑 !


袁文傑 《不懂撒嬌》游生彈出

去年亞視執笠,無綫接收了不少亞視舊將,去年六月簽了袁文傑與蔡國威等。憑住俊朗的面孔與六 呎二的身高,45歲型佬 袁文傑 在劇集《不懂撒嬌的女人》憑游生一角率先彈出,早前 袁文傑 在將軍澳電視城接受本刊記者訪問,自認係大叔:「我年紀又的確係大叔,好老實講,最近套劇有咁嘅反應,我當自己攞咗獎。過往我喺亞視嘅努力一直冇白費,學到嘅嘢依家正好大派用場。」

煎Pang藐爆袁文傑

袁文傑加盟無綫至今已經拍咗四部劇,包括與現已貴為視帝的前同事煎Pang合作的《天命》。大家都係亞視幫,應該好friend至係,但原來兩人不但私下冇交情,更早在亞視年代已經有心病!據知當年袁文傑係當紅小生,不過就同煎Pang唔多夾,拍劇時喺言語上試過有衝撞,之後一路冇偈傾!如今兩人在無綫再碰頭,有指兩人拍《天命》外景時互當對方透明,煎Pang更在背後藐爆袁文傑!

開名暗寸

早在去年傳出袁文傑將會簽無綫,煎Pang受訪時表示:「可以同昔日同事合照好開心,最耐冇見係袁文傑,當時佢係我哋大哥哥……我覺得無綫好似秦始皇咁一統天下,公司買埋亞視劇,好有大將之風!」開名明寸大自己五年的袁文傑一把年紀仲要由低做起。

那些年鬥股惑

當年袁文傑與煎Pang先後在亞視的旅遊節目中浸溫泉露股,袁文傑全裸露盡魁梧身形,而煎Pang則一臉稚氣露得含蓄。

 

煎Pang在無綫捱了七年才嶄露頭角,袁文傑當然不可能一步登天,只簽了普通藝員合約並非親生仔,距離男一的路還很長,不過無綫亦給予不少機會,剛拍完《天命》做蒙古大漢,又入《深宮計》演太醫。相反煎Pang與單文柔的戀情曝光後人氣急跌,看來一番惡鬥在所難免!

 

全文完

延伸閱讀:

新婚大解放 擺完酒先洞房 王君馨 :我老公好興奮

新歌〈乸〉流出 Eric Kwok首位女徒弟 Eye Fung 起底

輕巧簡約手錶 襯出文青個人風格