愈撳愈出Z

星島日報

【星島日報報道】廣東俗語,過癮非常,下下一矢中的,令人會心微笑。例如:屙Z唔出賴地硬、臨天光瀨尿、唔出聲冇人話你啞、食Z屙飯 等等。

呢呢,另有一句也抵死非常,正是——愈撳愈出Z。用來形容今天的「瘋狂總統」特朗普個局,最為貼切。因為此君私德及人緣極差之外,更日日有醜聞,新的有,舊的更多如天上繁星,撞 佢咁乞人憎,大量「為美國好」者及政敵皆想佢死,所以,必定不停有這樣那樣動作,令「侵侵」冇癮、出醜、樣衰。美國資深共和黨參議員麥凱恩喪禮唔歡迎佢參加,換 第二位總統,必定無地自容兼羞愧至死,因在美國政壇文化中,此乃奇恥大辱。但呢個面懵懵總統,仍扮冇回事,由此可知,深愛美國傳統文化、理念、禮貌者,會幾痛恨佢,因呢個「瘋狂總統」,在不停顛覆美國人二百多年來的優良傳統。

好 ,佢咁多衰 ,除不停畀人鬧、畀人揶揄諷刺、畀人詛咒、畀人調查外,最新最大的炸彈,當然是「水門事件英雄」伍德沃德明天出版的《恐懼:白宮中的特朗普(Fear:Trump in the White House)》。伍德沃德當年搞到尼克遜下台,影響力非比尋常,今番相隔三十年後再亮劍,當然有備而來,不打無把握的仗,必將特朗普的醜聞醜事大爆特爆。

七十五歲的伍德沃德,在美國新聞界,乃教父級人馬,等閒絕不會出手,今勻重拳出擊,早早做了大量資料搜集,訪問無數「侵侵」身邊前任謀臣。起初,特朗普完全唔知死,直至聽到「炸彈」即將出版,才騰晒雞,希望沿用以往「大口」方法,唱衰此書,減低其震撼力,有冇用呢?完全冇!不但冇,今勻發狂亂轟,結果,有如廣東俗語——愈撳愈出Z。令此書未出版已全球轟動,上了亞馬遜暢銷書榜首。究竟,《恐懼》會否是壓瓜特朗普的最後一根禾稈草呢?

阿碌開咪 曾智華

專欄

其他內容