意大利冰川變粉紅色 竟然係融冰先兆?
冰川融化可以話係全球都面對緊嘅問題,因為溫室效應全球氣候急升,地球上嘅冰川可以話一年比一年細,不過融冰嘅情況未必如大家想像中一整座冰川倒塌咁震撼,反而係出現得無聲無息,甚至帶幾分「浪漫」。
位於意大利亞爾卑斯山Presena冰川,日前就發現整座山峰都變成粉紅色,雖然望上去畫面好浪漫,但原來「粉雪」現象並唔係咩好事,呢種名為「冰藻」嘅現象係因為一種海藻滋生於雪上而出現。
平日由於冰雪係白色,可以反射8成陽光回大氣之中,減少冰雪受熱程度減慢融化速度,但一旦冰藻出現於冰雪之上,其粉色會導致冰雪失去雪白地方而變得更易吸熱,造成冰川更快融化,而當冰川融化之時又會提供更多水份及空氣予冰藻生長,形成一個惡性循環。
目前科學家都未有好完整可以解決冰藻嘅方面,只能利用人手嘗試清除,希望減慢冰藻生長呢。
相關文章: