《愛回家》謝可逸新女數臭醫生前夫有小三 戴姓女星被拖落水

·2 分鐘文章
戴夢夢被拖落水,大呻無奈。
戴夢夢被拖落水,大呻無奈。

無綫處境劇《愛・回家之開心速遞》中飾演Tyson及《使徒行者3》飾演周文鼎嘅34歲謝可逸,被爆背歌手女友謝文欣撻着兩度離婚及醫美集團老闆方潔盈(Jathy),失婚Jathy被指向前夫索贍養費,所以離婚後生活仍然富貴,事件經過兩日後開始發酵,而Jathy今日就發千字文數臭醫生前夫,更爆嘅係佢指「戴xx」與前夫過從甚密,盛傳該人便是藝人戴夢夢,加上夢夢曾經出席過Jathy的新店開張,更加惹人瑕想!

謝可逸新女Jathy發表千字文數臭醫生前夫。
謝可逸新女Jathy發表千字文數臭醫生前夫。
 Jathy的社交網有唔少個人獨照。
Jathy的社交網有唔少個人獨照。

Jathy於千字文數臭首任醫生老公湯愷廸:「同你離婚前,我對你嘅所作所為忍無可忍,因為你當時同『戴XX』曖昧,喺WhatsApp講晒『I love you』、『Don’t leave me』,又畀我發現,見戴小姐病,送藥送到上人地何文田屋企,當時我決心唔想再同你一齊,搵屋搬咗去中環,同你分居。」

東網記者及後搵到戴夢夢回應有關傳聞,她對於牽涉入內大感無奈:「呢件事點解會發酵到我身上,我必須澄清從冇介入過湯醫生同方小姐婚姻,湯醫生只係我全家嘅家庭醫生,我哋僅係醫生同病人關係,我冇八卦過人哋家事,希望有人唔好拉我落水,我對佢哋家事完全冇嘢回應。」而謝可逸則沒有回應。