愛回家｜大小姐林淑敏開箱名牌福袋 表情扭曲還原KOL雪姨聖誕開箱事件

TVB劇集《愛·回家之開心速遞》一向緊貼社會熱話，每次模仿都成功睇到觀眾大笑；最新釋出今晚（8日）第1501集預告，大小姐龍力蓮（林淑敏飾）將會做KOL開箱名牌限量福袋，不過期間情緒非常激動，疑似將早前KOL雪姨聖誕開箱之事神還原。

今晚將播出「蓮的開箱直播」一集，劇情講述大小姐龍力蓮、送水輝（許家傑飾）被邀請出席宴會，送水輝因唔熟識時裝界而鬧出笑話，仲畀賈名緩姊弟嘲笑；之後龍力蓮就買咗個全城瘋搶嘅「Channel名牌限量福袋」，決定開箱直播，向賈氏姊弟還以顏色。直播期間，大小姐因為不滿福袋內貨品而情緒激動，直言：「貼紙？有無搞錯啊」、「Channel係咪咁對啲客啊？」，十足雪姨聖誕開箱嗰條片，大小姐唔單止表情扭曲，仲棟高埋對腳；結束直播後，大小姐擔心自己頭先儀態盡失會成為網民笑柄，點知直播片段大受好評，網民仲好中意大小姐嘅真性情。不過，大小姐就以為送水輝嫌棄自己，唔肯帶佢出席中學同學聚會。預告釋出後，網民即時諗到雪姨，仲留言話：「雪姨vs龍力蓮」、「編劇真係緊貼時事」等等，相信今晚播出後，觀眾睇到完整劇情反應將會更熱烈。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！