愛回家｜30歲邵初VS 31歲葉蒨文 網民：原來Candy仲年紀大過Minnie

邵初於2021年參加香港小姐，勇奪季軍及友誼小姐獎項。今年7月，邵初獲安排加盟TVB處境劇《愛．回家之開心速遞》，飾演律師「Minnie」一角，更加剪走七吋長髮，以一頭短髮示人。日前（17日）第2377集「只有我能傷害他」，30歲邵初與31歲葉蒨文同框惹網民討論：「睇唔睇得出邵初細過葉蒨文？」

第2377集《愛．回家之開心速遞》講述Minnie（邵初飾）暗中關注Mike（曾展望飾）於社交平台發表嘅貼文，發現佢同Candy（葉蒨文）關係密切，便到鯨吞天廈查看，碰巧遇到Candy，藉機打探佢哋嘅關係。Minnie認定Mike單戀Candy，而Candy只想收兵，因此罵了Candy一頓。Minnie仲發現Candy與Mike糾纏不清，遂採取進一步行動，用出人意表嘅金額支票打發Candy，Minnie後來撞破兩人共進晚餐，忍唔住向Candy大發雷霆。邵初與葉蒨文衝突戲份惹網民出PO二選一，「Minne細啲？真心？」、「30??????????????????」、「哇，原來Candy仲老過Minnie」、「以為係阿mike后（後）母添」。

邵初為中、越混血兒，早於旅遊節目《請1日假去旅行》中坦言曾因被批「好樣衰、好老、好肥」令心情跌落谷底，幸好當時獲黎芷珊開導，並決定盡力做好自己。佢又曾於社交平台PO出素顏照，寫道：「他們說我老，但我不這麼覺得，心態決定狀態，心胸決定格局，眼界決定境界。」被網民大讚素顏比化妝年輕。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！