愛回家|42歲陸浩明亂入主持《有錢仔傾吓偈》口臭演出被圍揼網民叫好

早前6號陸浩明被193@ERROR寸「40幾歲仲話後生仔傾偈嗰個」,佢就話自己好似一個球隊的領隊,繼續主持《後生仔》節目唔會尷尬。陸浩明得閒仲會亂入《愛回家之開心速遞》,在《愛回家》中飾演番自己做主持,不過節目就變成《有錢仔傾吓偈》,對於陸浩明亂入無綫最受歡迎的處境劇,班網民似乎唔太滿意……

撰文:東方新地|圖片:陸浩明IG圖片、馮盈盈IG圖片、193IG圖片、《愛回家》電視截圖

愛回家
6號陸浩明是《後生仔傾吓偈》中年紀最大的主持人。
愛回家
今年1月,6號首次亂入《愛回家》,飾演電視台節目《有錢仔傾吓偈》的主持人。

6號再次客串《愛回家》

4月26日生日就踏入42歲的6號陸浩明,今年1月曾亂入《愛回家之開心速遞》,日前再被安排在劇中演出,角色依舊是電視台節目《有錢仔傾吓偈》的主持人,不過網民反應好大。

愛回家
6號演技浮誇,最常見的表情是擘大個口扮驚喜。
愛回家
劇中的6號成功邀請大龍生三位公子上他的節目。

乞人憎主持被圍揼

《愛回家》中的6號做回自己老本行,主持《有錢仔傾吓偈》,不過他卻尖酸刻薄問題尖銳,令三位龍公子甚為不滿。

愛回家
6號飾演尖酸刻薄問到篤的主持人。
愛回家
6號因為太口臭,句句都夭心夭肺,最後搞到三位龍公子火起,兩個捉住佢打,一個負責擋鏡頭。

網民表態unlike

6號陸浩明的演技明顯未被觀眾接受,劇集播完即有網民在討論區留言,九成九都唔鍾意睇6號,仲覺得佢在劇中被打是活該!

愛回家
6號過去因為太擦鞋,形象不是太討好。
愛回家
大部份網民睇完6號在《愛回家》被圍揼的演出,都留言贈慶。

被寸後表面大方話唔介意

42歲的陸浩明早前出席公開活動時與馮盈盈一齊就193@ERROR的言論公開回應,提及早前曾志偉批評ViuTV節目題材偏門,只能與J2比較,遭ERROR成員193(郭嘉駿)明寸:「J2係咩嚟?40幾歲仲做《#後生仔傾吓偈》嗰個?」躺著中槍的陸浩明表示絕對不介意:「好多謝有留意我哋節目。冇所謂,我最欣賞後生仔嗰種創意,同埋嗰種豁達心態。」

陸浩明
談到193被指不尊重前輩,6號就回應道:「做呢行好多嘢都要跌跌碰碰,喺經驗中學習,我哋細細個以前都會錯,所以我覺得唔好畀框架自己,做返自己係最正!」
陸浩明
陸浩明與馮盈盈已成為《後生仔》的代表人物,曾志偉回巢後更受重用。

陸浩明反寸:唔通兒童節目就搵小朋友主持?

陸浩明身旁的馮盈盈亦回應說:「我哋就係J2最偏門嘅節目, 搵我哋兩個做咪好偏門囉,討論嘅題目都好偏門!」至於再主持《#後生仔傾吓偈》會否尷尬?,陸浩明就話唔會:「我嘅角色就好似領隊,盡主持責任帶領年輕人說話,正如網友話齋,唔通兒童節目就要搵小朋友主持咩?」

陸浩明
馮盈盈亦幫口撐,對於6號被寸老,她指對方經常在節目中幫眾人打圓場:「我哋年輕人經常衝口而出講錯嘢,好在有佢幫我哋兜,佢係一個好前輩。」
陸浩明
對於「伯樂」余詠珊將離職,陸浩明竟以「唔多熟」的口脗避答:「公司有同事離職當然要感謝佢哋嘅付出,祝福新發展。」他又表示不清楚公司是否有「限廚令」,但暫未會與肥媽再合作《食平D》。

唔敢再提ViuTV

被記者問到有否看友台節目知己知彼,陸浩明推搪說:「咩台都睇,只要有好節目都會睇,日本、韓國、俄羅斯嘅節目都有睇,(咁ERROR嘅節目呢?)我工作較忙,真係冇乜時間!」就連自稱「姜糖」的馮盈盈被問有否看姜濤的節目,她不敢再多說一句,她只說:「工作忙冇乜時間睇呀!」

陸浩明
193因為寸嘴而上位,對於當日話無綫係畀啲老嘢睇,193自我檢討後都覺得自己無禮,日前表示會改口叫「耆英」。
陸浩明
ERROR最近人氣急升,曝光率拍得住人氣男團MIRROR。

口罩小姐後台隔空開火

對於曾志偉暗指ViuTV不是翡翠台的對手,口罩小姐又唔夠香港小姐有認受性,ERROR四子在口罩小姐總決賽後台回應,提到節目與TVB《開心大綜藝》對撼,肥仔表示兩台觀眾層面不一難以作比較,193笑言打唔贏對方,阿Dee則自嘲:「冇理由用財經新聞台對教育電視。」而講到曾志偉指ViuTV題材偏門只可與J2台比較,193就隔空反擊:「J2咩嚟㗎?後生仔傾吓偈嗰啲?40幾歲仲後生仔?」明寸已年過40歲的無綫主持六號陸浩明,193寸爆說:「佢哋畀啲老嘢睇㗎嘛!我哋係咩年齡層都有。」更指所謂的「收視」亦只得幾百部電視去統計,不用理會。

口罩小姐
對於曾志偉在較早曾稱 ViuTV的節目題材較偏門,而且收視只得約4點,只能與J2作比較等論點,ERROR四子亦不甘示弱,與曾志偉互窒,當中193更連珠發炮。
口罩小姐
當中193的回應最有guts,甚至反問「J2係做咩」等等,句句有骨。不過肥仔最後都打圓場,表示無論TVB或ViuTV都好,能夠帶動觀眾睇電視就算是成功。
口罩小姐
193大膽敢言,總算為ViuTV爭番啖氣。

延伸閱讀:

ERROR自肥企画|有片劇透!ERROR四子攞正牌自肥 陳欣妍、沈殷怡客串一齊玩!

33歲阮兒甩拖後大解放 孖白雲影疑似全剝床照