愛國女F4劉樂妍唱作新歌 《CHINA》自評係垃圾

19+

 

來自台灣嘅前女F4成員劉樂妍,近年過對岸搵食,

言論亦都相當「紅」,被台灣傳媒稱為「女版黃安」。

 

其實劉樂妍除咗出吓政治post之外,原來仲會唱下歌。

佢最近就有隻派台歌,開宗明義叫《CHINA》,親自填詞添架。

咁呢首歌有幾「好聽」呢?

先rap一大堆省份簡稱,歌詞就表達出「中國式生活」有幾爽皮-

「河北省、山西省、遼寧省我都行,

黑龍江省、安徽省、福建省都可以,

住在哪裡我都可以,我都願意,

因為我有支支支支支支電子支付,

機機機機機機機機手機付費,

喔~CHINA~喔~CHINA~」

啲「支支支」就好似「尖尖尖」咁洗腦!

 

唔少台灣網友聽完都俾負評。

其實曲線地做隻「西歌」博鬧博收視,呢招我地見得多啦。

但係劉樂妍居然喺微博出post,同自己嘅作品割席!

「我翻不了牆,這個MV,花了100萬,拍壞了,整支我都不要了,所以我從來沒有宣傳過。我要扔掉了,這是垃圾。為什麼還會流出來?到底是誰流出去的?」

嗱,即係劉樂妍只係話個MV係垃圾,佢冇話自己首歌係垃圾囉。

 

有比較就有傷害,聽完呢首《CHINA》頓然覺得近期嗰首《再出發》好悅耳~~

去片,小心!

你可能還想看