愛·回家｜倪嘉雯飾演記者備受關注 獲網民激讚病人造型勁仙氣

TVB處境劇《愛·回家之開心速遞》收視及口碑不俗，除咗主要演員入屋彈起，更帶挈其他劇中演員備受關注。前晚（29日）劇情就講到記者Carmen（倪嘉雯飾）遭賊人迷魂，熊尚善發現後高聲呼救，而遭賊人刺了一刀。尚善醒返之後，Carmen仍然昏迷不醒，開始四處查看，並發現佢哋身處喺另一個世界，呢個世界只係得返佢哋兩個。佢哋仲發現賊人搶劫嘅目的，更懷疑事件係別有內情。佢哋喺呢個世界互相扶持，Carmen見到尚善傷口流血，揸車送對方去醫院。喺醫院一覺醒來，好彩佢哋都成功返回現實世界。睇完呢一集之後，唔少網民對飾演記者Carmen嘅倪嘉雯讚不絕口，仲話期待佢更多嘅演出。

26歲嘅倪嘉雯（Carmen），畢業於香港中文大學，曾經於「冬0T」做演員。喺2020年加入無綫，並喺《愛·回家之開心速遞》及其他劇集多次飾演閒角，去年憑《換命真相》扮演「少女版劉佩玥」獲得網民關注。另外，去年Carmen加入兒童節目組，成為《Hands Up》主持之一。

前晚嗰集係佢拍《愛·回家》咁耐以嚟最多戲份嘅一次，唔少網民睇完佢嘅演出後，紛紛留言留言大讚佢表現不俗、好靚及病人造型省鏡，例如「今集表現好好 加油呀」、「你醫院個look好靚 世一女神級」、「在病房放長頭髮時非常正」、「醫院黑長直髮型好靚呀！」、「終於有一集做主角啦, 做得好玄..好睇...病人造型好靚.」、「你同尚善老師好有火花 加油」、「我有睇呀 你做得好好」、「第一次擔正 表現有驚喜吖 要繼續加油呀！」、「又靚又可愛」、「做得好好，希望日後有更多你嘅演出」、「呢集做得好好呀！加油呀甜品公主」、「你演得好好 加油 支持Carmen」、「勁pure勁ture。。。」及「有D似吉高由里子」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！