感冒暈倒致歉 鍾雨璇疑溝藥出事

鍾雨璇休息一晚即開工,幸看來精神不錯。
鍾雨璇休息一晚即開工,幸看來精神不錯。

歌手鍾雨璇前晚在《新城勁爆頒獎禮2021》大合照期間暈倒,昨日她如期拍MV,揚言已無大礙:「真係唔好意思,搞着大家,想同大會同扶我嘅展鵬同吳浩康講聲唔好意思。(依家情況點?)右邊膊頭同小腿有啲痛,應該係跌落地撞親。(睇醫生未?)拍完MV會去睇跌打。」

她懷疑頒獎禮前一晚未做足保暖措施,以致患上感冒:「第二朝起身把聲沙晒,即刻攞中藥同西藥食。(又中又西?)工作人員都有提醒我。」她稱當晚穿了3件外套,未知因為太焗、感冒、溝藥或生理期虛弱所致才暈倒,而事發一刻眼前一片雪花,但尚有意識,惟有雙手掩面:「覺得好瘀!(唔休息吓?)唔想拖延大家進度,已經冇乜事,多謝大家關心。」又表示日後若身體不適,不會冒險出席活動。