感情事講到世界大事 七仙羽現身Yahoo TV人氣節目《娛樂問呢啲》之粉絲福利社

·4 分鐘文章

Yahoo TV人氣節目《娛樂問呢啲》向來邀請最具人氣話題藝人受訪,最新一輯Special找來不同人氣藝人解答網民大小問題,而首集嘉賓便請來人見人愛的七仙羽(七師傅)。席間七師傅由感情事講到世界大事,當中更分享了她的獨有見解。

七師傅
七師傅
七師傅
七師傅

七師傅在一連4集的《娛樂問呢啲》之粉絲福利社中,分享了對大小事情的看法,首集她先對疫情及股市未來走勢的預測,為大家指點迷津,之後不少網民問到感情問題,七師傅也從風水命理角度及個人經驗作出分享。早前七師傅教授的「七連閃電鞭」引起熱話,今次師傅在《娛樂問呢啲》之粉絲福利社亦教授強身健體招數,簡單又易學。

在眾多的提問中,七師傅表示問她是否處女這問題最有趣,她說:「我個樣你覺得似唔似呀?同埋我呢個年紀,如果話我係,即係冇人要啦!」今次一口氣答了眾多問題,七師傅指今次是很不錯的體驗,她解釋道:「平時好少同網民交流,因為實在太多訊息喇!每人Instagram、Facebook都太多留言,唔得閒逐個睇,因為太多工作:拍廣告、電視,自己仲要修行,未必可以逐一睇晒,所以交流比較少。」七師傅現在人氣爆燈,粉絲更自稱做「七味粉」作應援,師傅當然十分感激,而且也打算辦粉絲聚會,與一眾七味粉會面,她說:「Fans Meeting係想搞㗎,想多謝大家支持,加上好多人都想見我,如果得閒都會同大家見一見面,不過有時我會參加一啲公開活動,大家都可以有機會見,平時特登夾一個時間未必咁易約到,反而公開活動大家出嚟一齊玩,都可以見一見面。我最近開IG,但未係好熟,學熟啲會同大家多啲互動,而家都會post多咗生活日常,因為之前有人教我每人都要登啲嘢,如果唔係網民就會流失,所以而家會keep住。」

七師傅
七師傅

被問到粉絲們最常留甚麼訊息給她,七師傅說:「佢哋大部份都話『師傅愛你』、『我愛師傅』,見到都好開心。」現在粉絲都愛出應援物或者落廣告支持偶像,問到七師傅可會介意?七師傅回應道:「希望大家唔好嘥太多錢,不如直接啲……即係整太多產品,嘥太多精神時間同金錢喇!」

現在成為了大眾偶像,七師傅又可會喜歡近期的人氣男團Mirror呢?七師傅說:「Mirror全部都鍾意,因為都同佢哋合作過,每個都各有特色,有啲靚仔,有啲性格好,有啲唱得好啲,有啲跳得好啲,個個都鍾意。」不過七師傅坦言自己喜歡Mirror未達至瘋狂程度,所以另一半未變做「前度」,她說:「我鍾意所有嘢都唔會好瘋狂嘅,好似我鍾意Mirror我又好平靜嘅,因為我係一個修行嘅人,同我而家講嘢一樣,面無表情,做乜都係同一個表情,開心唔開心,衝動唔衝動,都係咁樣嘅表情。」

七師傅
七師傅
七師傅
七師傅

密切留意,七師傅今晚8點將現身Yahoo TV《娛樂問呢啲》之粉絲福利社,屆時記得click入Yahoo娛樂圈Facebook Fan Page,而節目亦會在翌日於官網上架。

Yahoo娛樂圈Facebook Fan Page:

https://www.facebook.com/yahoohkent

Yahoo娛樂圈官方網址:

https://hk.tv.yahoo.com/娛樂問呢啲

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能