雅虎香港新聞 【慳家便當】低至$20/餐 冬天適用帶飯食譜
為應付過年，大家應該都有不少額外支出！從返工飲食著手慳錢，是比較容易而健康的方法。Yahoo著數專員搜羅適合冬天帶飯的食譜，有簡單之選及冬天飽肚之選，讓大家慳錢同時有口福！
--------------------------------------------------
1. 簡易版臘味飯
照片來源：網上
臘味飯令人食完暖笠笠～不過返工食得太油膩，總會易容飯氣攻心，以下簡易版臘味飯不用糯米，可減輕飽滯感，亦可以大幅縮短烹煮時間！
烹調需時：45min
食材： 臘腸 1條 約$20 膶腸 1條 約$20 蝦米 少許 | 醬料： 糖 少許 豉油少許 |
步驟：先浸蝦米。水滾後灼臘腸3分鐘、膶腸30秒。將臘腸及膶腸切片後，以小火煎出臘味油份，再加少許糖略炒。臘腸及膶腸離鑊，炒香蝦米。用浸蝦米水加入蝦米煲飯，待飯煲內水滾才加入臘腸及膶腸，之後再煲15-20分鐘即成。如飯不夠味，可加豉油或煲仔飯豉油調味。
--------------------------------------------------
2. 蓮藕炆排骨
照片來源：網上
蓮藕炆排骨需時看似頗長，但其實大部分時間只是炆煮，只需預備好食材後略炒，之後便可以一邊煲劇，一邊等夠鐘。另外製作炆煮類菜式，可以一次煮兩餐份量，適合懶人星期日晚一次過煮好星期一、二午餐！
烹調需時：60min
食材： 蓮藕 半條 約5 排骨 150g 約$25 南乳 半磚 薑 2片 冰糖 一粒 | 醬料： 生抽 半茶匙 老抽 半茶匙 蠔油 半茶匙 粟粉 半茶匙 紹酒 半茶匙 茨汁：生抽 半茶匙 粟粉 1茶匙 水 半湯匙 |
步驟：將排骨切塊後醃20分鐘、蓮藕洗淨切片、將南乳壓爛。燒熱鍋後下少許油爆香薑片，下南乳後下排骨，於煎至金黃色後加蓮藕，拌勻後加入半杯水。炆煮30-35後加入茨汁即成。
--------------------------------------------------
3. 煙肉薯蓉
照片來源：網上
充滿澱粉質的薯蓉絕對是冬天熱量的最佳來源！薯蓉製作過程簡單，烹餁新手都可以做到零失敗。而且薯蓉食材最容易預備，帶飯朋友一定要學識煮這道菜式！
烹調需時：40min
食材： 馬鈴薯 200g 約$10 煙肉 2-3片 約$10 淡忌廉 2湯匙 鹽 少許 |
步驟：將煙肉切粒、煎香後備用。馬鈴薯切開一半後放進滾水，煮20分鐘後去皮，然後用大匙羹壓成蓉，加入淡忌廉、鹽拌勻，再加入煙肉拌勻。如家中有牛奶、芝士粉，亦可於加入淡忌廉時按口味加入適量。如家中有焗爐，最後可將薯蓉放於玻璃飯盒內，再焗10-15分鐘至表面香脆。
--------------------------------------------------
4. 和風牛肉飯
照片來源：網上
快餐店的牛肉飯要DIY絕對比想像中容易！自家烹煮不但可以選用自己喜歡的肥牛品種、肥瘦，而且一定比外面吃更便宜。
烹調需時：20min
食材： 肥牛 200g 約$30 洋蔥 半個 約$5 | 醬料： 鰹魚汁 1湯匙 日本醬油 半湯匙（可以1/4湯匙生抽+1/4湯匙老抽代替） 味醂 半湯匙 糖 適量 水 半湯匙 |
步驟：將洋蔥切條後下油炒香，之後加入醬料慢火煮洋蔥6-8分鐘至軟腍。加入肥牛煮約5分鐘即成。另外肥牛可直接下鍋，也可按個人喜好及肥牛質素決定應否先汆水。
--------------------------------------------------
5. 蒜香雞扒飯
照片來源：網上
蒜香雞扒同屬新手不敗菜式，而且材料非常容易預備。若果家中沒有蒜頭，可以用樽裝蒜蓉代替。忙碌的上班一族若不能每天到超市買餸，亦可以買一大包急凍雞腿、雞扒長備家中。
烹調需時：30min
食材： 雞腿 2隻 約$25 蒜頭 3-4粒 約$2 | 醬料： 麻油 半茶匙 紹酒 半湯匙 生抽 2茶匙 生粉 1茶匙 糖 1茶匙 |
步驟：早一晚將雞腿洗淨去骨，𠝹開成雞扒，以醬料將雞扒放雪櫃醃過夜（亦可只放雪櫃醃兩小時）。煮食前先放置於室溫15分鐘，期間將蒜頭刴成蓉。燒熱鍋下少許油，先煎香雞扒連皮的一面，翻轉煎另一面時加入蒜蓉。蓋上鍋蓋，以炆焗方式將雞扒煮至熟透。
＝＝＝＝＝＝＝
雅虎於本頁中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。所有買賣均由用戶及商戶雙方自行負責。
「Yahoo著數」現已推出，我哋將會為你搜羅每日超市情報，話你知最新購買飲食嘅著數消息、免費或折扣優惠，幫你慳錢慳時間。
想知仲有咩最筍嘅優惠著數？快啲禁入嚟睇下啦！：https://yjetso.myguide.hk
歡迎提供優惠情報，情報一經採用，將有機會免費獲得Yahoo購物券乙張。快啲同我哋一齊搜羅全港優惠著數喇！
