懷疑有人偷和牛精液運往中國 日本今年終立法
一講起日本和牛,相信大家都已經流晒口水;作為美食大國嘅日本,和牛都可以話代表作之一。亦因為如此,自十多年前開始,已經有唔少消息指有人偷運日本和牛精液,再運往中國培養「中國和牛」。作為和牛養殖業者,日本當然有大量反對聲音,要求政府立法規定,以和牛作為「知識產權」之一去保護,近日終於有消息指今年內政府就會立法!推動立法嘅其中一大原因,原來因為疫情影響下,日本和牛需求大減,價格暴跌,令牧業者叫苦連天,政府最終因壓力之下終於決定立法,保護和牛精子。目前日本和牛包括4大種類,黑毛、紅毛、無角、短角,其中最知名及數目最多就係黑毛種包括神戶牛、松阪牛、近江牛,不過原來該品種和牛都並非原生自日本,係19世紀日本開國之後,同西方牛混種而成呢。
相關文章: