懸紅網捉示威者 網址登記人係梁振英?

19+

今日有免費報紙嘅頭版,係一個懸紅網嘅全版廣告。

上面寫明近月嘅暴力非法行為重創香港,尤其是8月3日有人擲中國五星旗落海,

於是決定為30宗事件懸紅緝兇。

網頁介紹又話懸紅賞金全部來自民間,日後仲會眾籌。

而報料者身份絕對保密,佢地有專業團隊負責跟進,

並會委託律師向警方報案及提供資料。

 

當中包括出100萬,搵出掟國旗落海以及污損中聯辦外國徽的元兇;

懸紅50萬收集衝擊立法會、機場靜坐集會等線索,

而備受爭議嘅721元朗事件,亦有40萬。

 

想得到呢筆賞金,係要令到落網人士被捕,並且要在法院答辯先算數。

 

有網友嘗試從網址登記資料,搵出成件事幕後主腦。

而登記人姓名係梁振英,英文串法亦同前特首一樣。

而CY嘅facebook專頁都有出post提及呢個網頁,

並寫上「請廣傳。天網恢恢 疏而不漏。」。

其實咁大個網站,搵個職員或者公司登記難度唔高,

點解一check就見到CY個名?

而部份事件涉及人數眾多,如果同一筆賞金分拆俾幾十位達致「成功檢控」嘅報料人,

咪分薄晒?

卸任後熱愛用社交媒體出post嘅CY,遲吓會唔會開live講深入少少?

你可能還想看