成日賣慘好鬼煩

【星島日報報道】早幾日，晨早七點，照舊 幾份報章走到「茶記」歎早餐。打開其中一份娛樂版（若非有大新聞，我必先睇娛樂版，唔使用腦也！）， 標題，不期然自言自語：「 ，又 度呻自己好慘！」 講邊個呢？五十四歲老牌歌手王傑是也。時光倒流一九八九年，某日，當時華納唱片公司負責人黃栢高（Paco）約午餐，話要車埋我去，一上車，佢即依起棚牙好興奮講：「阿碌，我發掘到一個台灣浪子歌手，識廣東話，必定全爆！」邊講邊用卡式帶播出一首《可能》，歌者正是王傑。小弟一聽，掂！曲有流行元素，詞又慘慘 ，配合歌手點點滄桑聲底，應該好快流行。 當年，電台競爭慘烈，我立即在《晨光第一 》搶播，以證自己眼光過人也（冇呢種鬥心唔好做電台！）。果然，一Plug就去。而王傑亦火速走紅，獲得翌年《十大中文金曲》最有前途新人獎金獎。 不過，發展下去，我對王傑頗不以為然，因此君由零開始「賣慘」，凡接受訪問就猛話自己好坎坷、好不幸。睇睇係咪真？十二歲時父母離異，十七歲出社會工作，做過速遞員、侍應、調酒員、酒廊歌手、的士司機、軍人、特技員。後來被星探發掘，一九八七年憑《一場遊戲一場夢》紅遍台灣。喂，睇來睇去，有邊忽慘呀又？ 可能我生於男性剛強家庭，父輩早早要求男兒當自強、大丈夫流血不流淚、打甩門牙帶血吞……所以，聽見大男人不停呻自己好慘，好反感。更何況，已紅爆，要風得風，要雨得雨，後來大把錢移民溫哥華，買豪宅寶馬名車四圍招搖，咁，仲要鋪鋪話自己好慘、好不幸？乜 人 ？冇見一輪，如今再蒲頭，喂，仲「賣」緊慘？內地電視台訪問時「重提舊事」，話自己曾被落毒失聲脫髮。唉，呢丁王傑，完全除 「慘」，仲有乜可以Sell呢？再話慘，Out唔Out 呀？ 阿碌開咪 曾智華 專欄