成班毛孩睇音樂劇 原來係上堂?!

19+

 

做咩有班狗狗排排坐咁可愛架?

 

原來佢地係嚟學嘢!

加拿大有劇團正在演出《跳出我天地》音樂劇(Billy Elliot),

特登安排一班服務犬,入劇場睇演出,

等佢地學習喺劇院嘅「禮儀」。

 

所以完show之後,一滴掌聲都冇,亦聽唔見吠聲,

大家相當興奮,證明狗狗們成功過關!

 

呢群狗狗要接受2年訓練,會去到地下鐵、動物園、群眾聚集嘅地方,

等佢地適應喺唔同燈光、聲音、人群之下,

點樣保持平靜,帶住需要協助嘅主人。

睇show期間,佢地應該匿喺凳底,不過有幾隻毛孩好好奇,

坐起身睇咗一陣表演。

而呢個為佢地而設嘅特別場,聲效同燈光都比正式公演柔和,以免過份刺激。

劇團亦都解釋,佢地有好多支持者都會帶埋服務犬入場,

所以好樂意幫手培訓。

 

呀……連狗狗都識得安靜睇show,

點解好多人都做唔到嘅呢?

原文傳送門

你可能還想看