戒走懶音!馮盈盈自揭醜態喊到豬頭 網友讚呼聲高

·2 分鐘文章
戒走懶音!馮盈盈自揭醜態喊到豬頭 網友讚呼聲高
戒走懶音!馮盈盈自揭醜態喊到豬頭 網友讚呼聲高

尋晚無綫推出向配音員致敬嘅節目《好聲好戲》打響頭炮,當中最令人驚喜嘅就不得不提馮盈盈,佢聲演《宮心計》小演員向娘親辭別一幕,獲汪明荃及劉江等大讚,終於一雪前恥,更被網友睇好佢有機會勝出!

尋晚馮盈盈聲演《宮心計》一幕,即被讚好。
尋晚馮盈盈聲演《宮心計》一幕,即被讚好。
睇嚟今次佢有備而來,仲獲得好高呼聲。
睇嚟今次佢有備而來,仲獲得好高呼聲。

片中見佢講對白同唱歌都兼顧到,播出後佢仲決定自揭「醜態」,晒出兩段佢當時身在配音室嘅花絮片,見佢喊到眼淚一滴滴,雖然表情扭曲晒,但睇得出佢嘅投入同真誠,直頭好似將成場戲演咗一次出嚟咁,到片尾更加聽到現場工作人員都發出連連讚嘆嘅嘩嘩聲,睇嚟佢勝算真係幾高。

網友都等睇佢下次聲演。
網友都等睇佢下次聲演。
佢仲擺出鏡頭後嘅片段,個樣慘到呢!
佢仲擺出鏡頭後嘅片段,個樣慘到呢!
喊到豬頭咁!
喊到豬頭咁!

成功搣甩懶音嘅馮盈盈感觸良多,亦非常努力同投入比賽,更留下千字文感激觀眾嘅支持:「很感激大家有留意我的演出,並願意給我最中肯的意見,我是有聽到,並放在心內,持續為此努力改進。今次有幸參加《好聲好戲》,我沒有視此節目為一個比賽,而是一個為觀眾呈現高水平聲音表演的舞台,一個讓觀眾了解聲演藝術的導航、向配音專業的認可和致敬、尋求進步、突破自己的契機。如果你有因我今晚的表現而感動過一刻,那我在這小房間內、在鏡頭背後付出的一切就已經值得,衷心多謝你收看!」

咁都肯同網友分享,夠晒貼地。
咁都肯同網友分享,夠晒貼地。
網友睇好佢有勝算。
網友睇好佢有勝算。