截停賽艇女將洪詠甄冇嘢問:你走啦! 吳業坤輕佻採訪 出醜捱轟

·2 分鐘文章
吳業坤截停港隊賽艇代表再叫人走捱轟

無綫東京奧運主持再爆採訪災難,繼陳約臨被批失儀欠專業後,歌手吳業坤跟「日本通」周奕瑋竟然歷史重演,2人截停採訪港隊賽艇女將洪詠甄時原本想搞氣氛,結果出醜人前,坤坤一句:「冇呀,你走啦!」更被網民狂轟!

今屆東京奧運會,無綫派出主持方力申、吳業坤、周奕瑋和陳約臨等到當地直擊採訪。繼早前陳約臨就「劍神」張家朗贏得金牌的「花癡式」採訪被轟失禮後,雖然方力申的專業挽回分數,但吳業坤與周奕瑋竟連環犯錯!當時他們在採訪區截停香港賽艇選手洪詠甄做訪問,但坤坤竟然拋出一句:「冇呀,你走啦!」網民除插爆他們冇腦欠專業,態度輕佻,更指2人不懂尊重運動員。

「想搵窿捐」

日前無綫播放《東京五輪直送》節目,坤坤跟周奕瑋在進行場外採訪,手執自拍神棍的周奕瑋見到洪詠甄大叫:「阿甄,可唔可以阻你10秒呀?」女方表現友善,停低受訪,周奕瑋隨即問坤坤:「乜你唔係有嘢問佢咩?」怎料坤坤竟然說:「冇呀,你走啦!」周奕瑋未有收口,繼續問洪詠甄:「佢想問你鍾意方力申啲歌多啲定佢啲歌多啲?」洪詠甄頓時呆了幾秒,然後尷尬笑說:「其實我冇聽中文歌!」周奕瑋即取笑坤坤:你冇用㗎,吳業坤,自己都唔夠膽問!」見坤坤尷尬傻笑,左右兩頭騰責怪說:「咪得到呢個答案,你想我點呀?想搵窿捐,呢度都冇得捐!」

中學生都不如

節目播出後,2人可能自認好風趣,但網民鬧爆他們「呼之則來,揮之則去」的態度對待運動員!有人插爆他們:「唔專業唔緊要,可唔可以唔好唔尊重香港運動員」、「下次訪問可唔可以用吓個腦先」。網民怒斥他們對受訪者完全沒有做功課,問一些沒質素問題,連中學生也不如!而坤坤及周奕瑋至截稿前未有回覆。

                                                        

  

  

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能