《戰毒》女角個個都係女神級 周秀娜/吳千語/陳欣妍/李靜儀/張雅卓好吸睛!

·2 分鐘文章

熱播網劇《戰毒》劇集陣容甚有看頭,搵嚟黃宗澤、吳卓羲及關智斌擔正,而劇中女主角亦唔簡單,有周秀娜、張雅卓及吳千語等等。《戰毒》嘅女演員相當吸睛,而家就同大家睇一睇啦!

周秀娜

周秀娜(Chrissie)係o靚模界嘅始祖,近年佢開始轉型逐步封胸,向電影及電視方面發展。喺2013及2016年分別喺「洛杉磯電影節」及「釜山亞洲新媒體電影節」獲頒最佳女演員。Chrissie喺2018年無綫劇集《宮心計2深宮計》中嘅戲份仲一啲都唔輕,更成功入屋,一洗舊有嘅性感形象。今次Chrissie喺劇中飾演毒后汪紫琪,係陳堅(羅嘉良飾)嘅情婦兼助手,不過後來同黃宗澤飾演嘅韋俊軒有感情線。

《戰毒》劇照(微博圖片)
《戰毒》劇照(微博圖片)

吳千語

吳千語嘅感情生活比工作精彩,吳千語今次喺《戰毒》中飾演心地善良嘅警花趙盈盈,亦係韋俊軒(黃宗澤飾)、程天(吳卓羲飾)及許修平(關智斌飾)共同保護嘅人,佢同黃宗澤拍過拖,又係關智斌暗戀對象,之後會有感情線。

《戰毒》劇照(微博圖片)
《戰毒》劇照(微博圖片)

張雅卓

25歲內地女星張雅卓,2017年開始參與電視劇拍攝。《戰毒》係張雅卓第二次拍嘅香港劇集(第一次係《PTU機動部隊》),今次張雅卓喺劇中飾演吳嘉雯 (Man姐),表面上係泰國生活嘅黑社會,實際上佢係程天(吳卓羲飾)嘅線人,之後仲有埋感情線,佢哋仲因為相處態度親密而傳出緋聞。

李靜儀

李靜儀(Heidi)係Super Girls成員,係唔少網民心目中嘅女神。Heidi已經6年冇拍劇,今次喺劇中飾演吳嘉雯(張雅卓飾)嘅閨密CoCo,一心想加入娛樂圈搵真銀。另外,Heidi喺劇中經常以熱褲及短裙造型上陣,勁有少女味。

陳欣妍

陳欣妍(Shirley)喺2016年加入娛樂圈,今年憑ViuTV節目《辣伙頭》及《美女郊遊遊》,成功得到網民關注,人氣急升。陳欣妍今次喺劇中飾演Kiko,係毒販Tank(袁振業飾)嘅女朋友。陳欣妍喺劇中頻頻短褲示人,又野性又不失少女味,簡直係向網民大派福利。

《戰毒》劇照(微博圖片)
《戰毒》劇照(微博圖片)
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能