《戰毒》警匪片變鬧劇 莊思敏Ironman上身

東方新地
·3 分鐘文章

由黃宗澤、吳卓羲同關智斌孭飛嘅網劇《戰毒》除咗喺ViuTV熱播,日前仲喺內地網豆瓣電影首播,不過呢部港產劇似乎唔太啱內地觀眾口味,劣評如潮評分勁低,被嘲劇情唔合情理似鬧劇,警察行動次次失敗兼笑料百出,當中飾演變性人嘅莊思敏就最勁,每次同警方駁火都Ironman上身刀槍不入,一個打十個。

撰文:東方新地

網民感被侮辱

《戰毒》演員陣容集齊了黄宗泽、吳卓羲、關智斌組成緝毒三兄弟。
《戰毒》演員陣容集齊了黄宗泽、吳卓羲、關智斌組成緝毒三兄弟。
吳千語飾演女警,行動中扮夜店女侍應,不停同臥底警員打眼色,慌死人哋唔知佢做梗嘢!
吳千語飾演女警,行動中扮夜店女侍應,不停同臥底警員打眼色,慌死人哋唔知佢做梗嘢!
行動中嘅吳卓羲極度hea,好兒嬉咁叫個犯自己上手銬。
行動中嘅吳卓羲極度hea,好兒嬉咁叫個犯自己上手銬。
吳卓羲用薄荷糖掉到個犯成面都係,呢種捉賊方法真特別。
吳卓羲用薄荷糖掉到個犯成面都係,呢種捉賊方法真特別。

《戰毒》喺內地網豆瓣電影首播前,內地粉絲本來非常之期待,呢部劇號稱4A,陣容超A、角色超A、劇情超A同製作超A,點知第一集播完,有二千幾位內地觀眾評分,只得4.8分,大部分網民都話劇情好唔合情理,簡直係侮辱佢哋嘅智商。

內地網首播,得分真係麻麻。
內地網首播,得分真係麻麻。
內地網民鬧爆《戰毒》。
內地網民鬧爆《戰毒》。

 

《戰毒》劣評變鬧劇 莊思敏Ironman上身
《戰毒》劣評變鬧劇 莊思敏Ironman上身

 

有指《戰毒》兩大主角黃宗澤加吳卓羲本來就已經冇新意,而且又做好友又做警察,令人誤會係無綫嘅《飛虎》系列,只係改咗個內地名。不過最出事都係劇情,第一集真係有多個笑位,套劇係講緝毒,不過警方次次行動都打草驚蛇,高調行動成日走犯。

劇情講莊思敏係泰國毒王嘅得力助手馬君,情報張相本來佢係有鬚嘅男人。
劇情講莊思敏係泰國毒王嘅得力助手馬君,情報張相本來佢係有鬚嘅男人。
莊思敏嚟到香港竟然變咗女人,仲要行catwalk咁出場。
莊思敏嚟到香港竟然變咗女人,仲要行catwalk咁出場。
吳卓羲好快就畀莊思敏發現,仲打到佢飛起。
吳卓羲好快就畀莊思敏發現,仲打到佢飛起。

變性人最打得

再嚟就係動作場面誇張得唔合理,飾演泰國毒犯嘅莊思敏係變性人,每次出場好似去時裝表演咁,販毒都咁高調,對住班警察可以一打十,打到飛起佢都可以氣定神閒,直頭Ironman上身一樣,仲一腳就踢死個警察,最後受到眾多警察圍剿,莊思敏竟然可以使出輕功逃走,全身而退。一部警匪片拍到似搞笑片,勁多穿崩反駁位,其實都幾失敗。

莊思敏又現身交易現場喇,又係出騷咁樣!
莊思敏又現身交易現場喇,又係出騷咁樣!
班警察咁就算係埋伏?真係揚到不得了囉!
班警察咁就算係埋伏?真係揚到不得了囉!
正面硬踫硬,關智斌完全未驚過!
正面硬踫硬,關智斌完全未驚過!
面對眾多警察,莊思敏氣定神閒開槍!
面對眾多警察,莊思敏氣定神閒開槍!

 

莊思敏一槍打爆個油缸....
莊思敏一槍打爆個油缸….
之後飛起打警察。
之後飛起打警察。
一腳KO警察,懶有型!
一腳KO警察,懶有型!
呢腳真係好勁,被在場十幾廿個警員圍捕,莊思敏都可以起到腳。
呢腳真係好勁,被在場十幾個警員圍捕,莊思敏都可以起到腳。
莊思敏被指刀槍不入太神奇了!
莊思敏被指刀槍不入太神奇了!
重創警員後,莊思敏好似識輕功咁跳走,觀眾究竟睇咗啲乜?
重創警員後,莊思敏好似識輕功咁跳走,觀眾究竟睇咗啲乜?

 

延伸閱讀:

《那些我愛過的人》大結局劇情爆料!終極車禍林文龍為救黃翠如壯烈犠牲

《九五至尊》大結局劇情 江華雍正身份曝光(有片)!呂四娘發癲解圍、最後穿越咗去呢度⋯⋯