【戲院明起關閉14天】新片暫緩上映 譚耀文嗌慘:希望聖誕前解封

·2 分鐘文章
【戲院明起關閉14天】新片暫緩上映 譚耀文嗌慘:希望聖誕前解封
【戲院明起關閉14天】新片暫緩上映 譚耀文嗌慘:希望聖誕前解封

鑑於本港新冠肺炎疫情急速惡化,政府明日(2日)起進一步收緊禁聚令等一系列防疫措施。戲院屬公眾娛樂場所需要關閉, 由12月2日(星期3)零時零分起生效,為期14天。

原本12月3日上映的電影《逃獄兄弟》和《一秒拳王》叫停,而正在上映中的寰亞電影《阿索的故事》 亦無奈需要與觀眾暫別。《阿》片導演葉念琛表示:「最重要是希望疫情早日平復,觀眾能安全、健康地上戲院觀賞電影!人生有彎轉,好戲在後頭!」女主角王菀之 (Ivana) 亦說:「當然係以大家嘅安全及健康為首要考慮,希望疫情穩定落嚟,期待 可以重新上映,並再次得到大家嘅支持。我哋套戲主題係講人生有彎轉,咁依家轉咗呢個彎先啦!」

《阿索的故事》
《阿索的故事》

至於有份主演《逃》片的張繼聰說:「覺得好失望,但冇辦法,個疫情係咁樣,所以會配合電影公司嘅安排,重新上映會配合番個宣傳。」而另一位有份主演的譚耀文嗌慘:「真係好可惜,尋晚都瞓唔到覺,呢個幾月我同電影公司都好落力做宣傳,家人同朋友好期待,本來對套戲都幾有信心。不過安全緊要,小朋友都要返唔到學,希望聖誕前大家自律,如果大家唔自律疫情好難好番。電影難做,希望聖誕前解封,可以入戲院,戲院係合理安靜娛樂場所,如果連睇戲冇得睇,唔知有咩娛樂。」

《逃獄兄弟》
《逃獄兄弟》