戴夢夢嫁100分住家男 舊愛Ricky做足人情

·2 分鐘文章
戴夢夢穿上低胸婚紗大騷鑽戒。
戴夢夢穿上低胸婚紗大騷鑽戒。

現年36歲的藝人戴夢夢6年前撻着太極樂隊鼓手朱翰博(Ricky),幾經離合,感情撲朔迷離,上月夢夢突然在社交網公布婚訊,下嫁年長3歲、從事金融行業的Kyle,昨日兩人假君悅酒店舉行婚宴筵開8席,名人及藝人好友包括盛品儒夫婦、黃婉曼、林盛斌、范振鋒夫婦、黎瑞恩及江欣燕等到賀。約下午5時許,夢夢身穿低胸透視婚紗與新郎現身會傳媒,她右手戴上求婚鑽戒,左手佩戴兄長所送的紅寶石戒指。正式榮升孫太的夢夢一臉幸福,新郎表現怕醜,經傳媒幾度要求下才跟新娘子咀嘴。

奉子成婚?恨生龍鳳胎!

拍照後,夢夢獨自受訪,她透露兩人是經醫生朋友介紹,並趁機大讚老公:「佢個人好Family Man,好細心,煮嘢食好叻,識煮嘢食真係會加分,以前都係我煮,依家佢霸住個廚房。(畀幾多分佢?)100分,佢真係好好。」她又爆老公上星期撞傷鎖骨,手不能動,要服食消炎止痛藥:「佢今日要頂住先,星期尾就做手術。(你要照顧佢?)我要幫佢切碎晒啲嘢食。(使唔使幫佢沖涼?)佢沖到,但抹唔到身。」

夢夢續指兩人拍拖半年,對方便求婚,令她大感意外,但否認因懷孕而閃婚:「唔係,我都希望係,會努力,生小朋友隨緣,係天畀我嘅禮物。(想生幾多個?)希望一次過搞掂,最好生龍鳳胎。」

另外,提到舊愛Ricky,夢夢坦言有邀對方參加婚宴:「佢話唔好,唔想尷尬,唔想放錯焦點,我話咁又係,唔通喺婚禮上話今晚壓軸表演嘉賓係太極咩!佢前兩日親自攞禮金畀我,佢同佢哥哥都有畀禮金,大家關係好好,佢知我老公整親,仲叫佢要戴手托,Ricky同我老公見過兩次。(佢有冇祝福你?)佢有傳短訊畀我,祝我一切順利,開開心心,白頭到老。」

一對新人情深一吻!
一對新人情深一吻!
范振鋒夫婦到賀夢夢的婚宴。
范振鋒夫婦到賀夢夢的婚宴。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能