戴祖儀激戰丁子朗 唔嘢小

東方日報
·2 分鐘文章
丁子朗與戴祖儀是90後年輕人,不過同前輩余德丞全無隔膜。
丁子朗與戴祖儀是90後年輕人,不過同前輩余德丞全無隔膜。

無綫新劇《青春不要臉》以80年代做背景,演員戴祖儀(Joey)、丁子朗及余德丞齊以懷舊Look亮相,其中丁子朗自爆跟戴祖儀會上演激情大膽戲,不過女方就口密封嘴!至於余德丞自嘲是劇中長老,幸好有童顏及年輕心智補救,修復代溝!

眾演員昨日現身九龍塘拍攝外景,劇情講到子朗揭發Joey走後門入讀藝訓班,因此搵她講數。男方受訪時透露劇中跟Joey飾演一對情侶,之後有非常之激的激情戲:「想像到嘅大約都有!親密戲嘅激、就連鬧交都激!(吻戲、床戲?)咁又未去到床戲,不過都唔嘢小!」

對於被子朗劇透有連場激情戲,Joey大賣關子:「係咪一對都仲未知嘅,加上呢個世代所謂嘅激情戲都有好多種表達方式,例如親密動作,但又未必係一對。」

被指似林峯

談及日前自嘲同「陳浩南」撞樣,她再爆被劇組人員笑指似《尋秦記》時期的林峯,令她哭笑不得:「女生男相係件好事,代表塑造性高!」對於被封無綫新姣精,她大方笑說是成就解鎖,絕無不快:「好笑在我都冇(兵),咁仲封到做姣精!」又搞笑話有問師傅如何招桃花,卻換來心碎答案:「佢答我喺未來2年都冇,就算有都係好大鑊,不過佢話我事業有得拚搏就開心番!」另外,同為星夢歌手之一的她,自爆有跟何麗全見面傾偈互相了解,大讚對方好Nice,是一位好好的老闆。

余德丞認老

至於余德丞就話今次同一班年輕演員合作,不得不認老:「佢哋大部分係9幾年,甚至有啲係千禧寶寶,我係89年,好明顯隔咗一代。(有條Gap?)又冇,好彩大家都覺得我仲後生,拍起嚟好好玩!」