戴祖儀硬撼ViuTV YOLO女團 同「後生女」扮學生妹跳舞 網民睇到好尷尬?

戴祖儀

戴祖儀先前喺社交平台上載一張校服照,膝上短裙大曬長腿,26歲嘅佢著起校服完全無違和感,俾網民激讚似18歲之餘,更留言表示「清澀時代的步伐」、「我要初戀呀!初戀呀!初戀呀!」。早兩日戴祖儀又再分享學生Look,仲搵嚟有份拍攝無綫新劇《青春不要臉》、又主持《#後生仔傾吓偈》嘅黃凱儀(波波)、黃紫恩陳欣茵杜穎珊一齊著住校服跳舞,並指:「半個鐘嘅成品」。

戴祖儀企正中間擔任領舞角色,雖然4位「後生女」有甩漏情況,但仍然甚有女團風範!佢哋除咗留言稱戴祖儀為老師,多謝佢教導之餘更指大家好叻,有唔少網民都大讚「卡哇伊」、「你哋跳得又幾好睇」、「好青春好靚」,甚至仲話佢地呢隊女子組合可以直接出道。

不過都有網民直言戴祖儀佢哋疑似抄襲ViuTV備受矚目嘅《YOLO的練習曲》,《YOLO的練習曲》將5首ViuTV歌曲主題撰寫成單元劇,由虛構電視台偶像組合YOLO演繹,組合成員包括有「港版周子瑜」之稱的Jeannie、「試當真」常規演員陳苡臻(Jessica)、Dear Jane《未開始已經結束》MV女主角歸南茜(Nancy)等20位本港KOL同YouTuber女神,而佢哋亦曾經以校服造型跳舞及拍攝MV,真正人多勢眾又省鏡,所以唔少網民都話睇戴祖儀條片感到好尷尬,仲叫佢哋唔好再跟風。

另外,先前有指無綫打算力捧周嘉洛、余德丞、丁子朗、羅天宇同朱敏瀚為「千禧五虎」對撼MIRROR,網民亦留言指戴祖儀佢哋喺咪要組成「千禧五鳳」力撼YOLO:「YOLO正好多」、「啱晒你哋個主題,不要臉」、「同YOLO質素有好大距離!淨睇套校服就分到高下,以為拍緊抖音片」等。未知呢次拍片嘅主意係因為戴祖儀著校服著上癮拉埋4個女仔落水,定喺見ViuTV備受矚目嘅《YOLO的練習曲》大受歡迎而照辦煮碗呢?

戴祖儀與黃凱儀(波波)、黃紫恩、陳欣茵和杜穎珊著校服跳舞
戴祖儀與黃凱儀(波波)、黃紫恩、陳欣茵和杜穎珊著校服跳舞
《5周年別注︰YOLO的練習曲》主題曲《選擇困難》截圖
《5周年別注︰YOLO的練習曲》主題曲《選擇困難》截圖
《5周年別注︰YOLO的練習曲》主題曲《選擇困難》截圖
《5周年別注︰YOLO的練習曲》主題曲《選擇困難》截圖
《5周年別注︰YOLO的練習曲》主題曲《選擇困難》截圖
《5周年別注︰YOLO的練習曲》主題曲《選擇困難》截圖
戴祖儀與黃凱儀(波波)、黃紫恩、陳欣茵和杜穎珊著校服跳舞
戴祖儀與黃凱儀(波波)、黃紫恩、陳欣茵和杜穎珊著校服跳舞
戴祖儀與黃凱儀(波波)、黃紫恩、陳欣茵和杜穎珊著校服跳舞
戴祖儀與黃凱儀(波波)、黃紫恩、陳欣茵和杜穎珊著校服跳舞
戴祖儀
戴祖儀
戴祖儀
戴祖儀
黃凱儀(波波)
黃凱儀(波波)
黃凱儀(波波)
黃凱儀(波波)
黃紫恩
黃紫恩
黃紫恩
黃紫恩
陳欣茵
陳欣茵
陳欣茵
陳欣茵
杜穎珊
杜穎珊
杜穎珊
杜穎珊

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!