戴耀明自爆抖音收入高TVB三倍 曾嘗內地網劇男一機會 為媽媽放棄北上吸金

戴耀明

入行30年嘅戴耀明一直無緣男主角,大多飾演智障人士、好色男、古惑仔等角色,所以就有「無綫綠葉王」之稱。雖然佢喺TVB出鏡率相當高,例如近日熱播劇集《七公主》同《智能愛人》都見到佢嘅身影,但佢就曾提及,其實內地市場搵錢仲多,例如喺抖音直播及帶貨可以比拍劇高出3倍收入。

戴耀明透露抖音分為直播同帶貨兩種賺錢模式,粉絲會喺直播過程中送心心同禮物,多起上嚟都有幾千進帳;而帶貨就要同廣告商拆帳,戴耀明表示自己好少帶貨,但曾經試過只計出場費都有6萬港元,佢亦坦言內地比香港市場大,加上老闆畀錢畀得闊綽啲,所以搵錢會多過喺香港。就好似早年試過喺內地拍攝網絡電影《爆裂老婆三歲夫》,唔單止成為男一,仲有保姆車接送同私人助手,即使拍12小時甚至更少嘅時間,酬勞都已經有3至4萬人民幣。

不過,戴耀明堅持留喺TVB:「冇TVB我冇呢啲搵銀機會,因為佢哋演員、劇組都叫我戴老師,原來佢哋都係睇TVB劇大,因為咁先識我,所以我好多謝TVB。」另外,亦因為戴耀明媽媽已經80幾歲,自己亦係獨子,由於細個嗰陣爸爸因發生車禍,令經濟重擔落喺媽媽身上,仲因為咁而患上胃潰瘍;戴耀明仲表示媽媽試過為買電腦畀佢而每日只食2元淨河充飢。即使戴耀明知道留係TVB多數做配角,但戴耀明都想照顧返媽媽,唔打算長駐內地發展。

《七公主》劇照
《七公主》劇照
《七公主》劇照
《七公主》劇照
戴耀明
戴耀明
戴耀明
戴耀明
戴耀明
戴耀明
戴耀明
戴耀明

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!