手機付款麻鬼煩

星島日報

【星島日報報道】付款,從前只得一種方式——現金,簡單乾淨利落。不過,若花大筆金錢,現金隨身,確又危險。於是出現支票。可惜,蠱惑佬經常開空頭支票,於是,從來沒法真正流行。直至八達通出現,方便到痹,一「嘟」搞掂。只是大家又驚跌 或畀人扒去,所以只用作支付小額金錢,窒住窒住。直到信用卡出現,一碌才可萬萬聲。至此,付款方法已多種,夠喇 ?未!

有生意做的地方,有佣抽,當然不停出新花樣。近兩年,手機付款又被狂推,尤其超市,顧客肯用手機付款,買五百元即送現金禮券。點解咁大隻蛤 隨街跳?無他,若畀佢霸 個「付款藍海」,咁,每日即有天文數字金錢交收,可以濕好多次腳也,所以,就貼錢製造習慣,先搶客。

對小弟來講,本來,最方便為八達通,一「嘟」即掂,都唔知幾輕鬆。不過,唔明,點解面對手機支付來勢洶洶猛送禮,佢硬係闊佬懶理。

前天早上,歎完早餐,到土瓜灣某超市逛逛,見到紅酒買夠六百元就八折,反正晚晚飲,又有送貨服務,一於買啦。畀錢時,收銀員猛推銷手機支付:「先生,手機支付啦,有三十元禮券送 !好易咋,都係一『嘟』就掂 啦!」

想起小兒替我裝 個信用卡付款Apps,好,試試先。但死!搞極都唔掂。因要認指模,所以我猛用手指公 , 到成頭汗都未得。此時,後面條人龍開始唔耐煩,先用眼光啤住,再吟吟噚噚呻乜咁鬼煩 。終於,搞 七、八分鐘,收銀員先肯投降。「先生,你去隔籬個Counter試試啦!」果然,一試即掂,唉,真係。

以上慘況,我從未在用八達通時經歷,因八達通快靚準,一秒搞掂。如今手機支付,一個Contact唔好,就玩死顧客。最無辜係我,想幫襯用 ,即慘變醜人,以後真係咪再搞啦!

曾智華

阿碌

開咪

專欄

其他內容