【一手都係】手錶含菌量 多過馬桶3倍!

19+

知名富商霍景良話齋,「睇落乾淨,其實暗藏邋遢」。

 

你以為廁所板好污糟?其實唔少日常用品,你日日掂,

含菌量仲勁!

 

有研究就喺十款日常佩戴嘅手錶上抽取樣本,

培植霉菌、細菌等微生物。

發現佢地嘅平均含菌量,係馬桶3倍!

當中最污糟係運動智能手錶,細菌數目係馬桶8倍。

以為最索汗最惹菌嘅皮革錶帶,

反而係最少細菌。

 

呢個可能係習慣問題,受訪嘅英國人當中,近4分1承認從來唔會清潔手錶。

另外2成人就話,至少6個月先清潔一次。

 

我估就算係企理嘅香港人,都未必個個幫隻錶消毒。

 

進行調查嘅鐘錶公司,建議大家至少一個月清潔一次,

因為雙手我地都日日洗,一日起碼帶住佢幾個鐘嘅手錶,

又點可以唔打理下?

 

咁點洗先乾淨?首先最緊要係留意隻錶嘅防水程度 —

係完全唔濕得水、防水花或雨水定係可以潛水?

 

然後,拆條錶帶出來,再將佢浸入加咗清潔劑嘅水度。

如果錶帶係皮造,就要用白醋加水浸泡。

浸幾耐視乎幾耐冇洗,同埋有幾污糟。

 

跟手就搵軟毛刷或者手巾擦走污垢,再沖沖水。

 

錶肉呢,就要用濕布抹,污糟嘅話可以點少少番梘水用刷刷。

你隻錶真係浸得水嘅,都不妨成隻浸浸佢,但記得check到底有幾防水!

 

等錶帶錶肉吹乾,就可以重新安裝,咁你就會得到一隻乾淨過廁所嘅手錶啦~~

原文傳送門

你可能還想看