打橫彈大提琴? 網民笑楊千嬅唔尊重樂器

·1 分鐘文章
打橫彈大提琴? 網民笑楊千嬅唔尊重樂器
打橫彈大提琴? 網民笑楊千嬅唔尊重樂器

早前楊千嬅參加內地音樂節目《為歌而讚》,同內地歌手余佳運合唱譚詠麟作品《一生中最愛》與楊宗緯、張信哲等歌手同場比併歌喉,以爆冷姿態成為該集冠軍,仲被內地網民稱讚係「行走的CD」。呢個評語傳到返香港,唔少本地樂迷都嘖嘖稱奇。

而千嬅為呢個節目拍攝嘅宣傳照就引起另一個話題,話說照片入面千嬅手執類似大提琴嘅樂器,但係打橫放,手勢似十足彈結他,同向來認知大提琴嘅演奏方法好唔同,加上宣傳標語嘅「忠於自己」,真係好破格。

打橫彈大提琴? 網民笑楊千嬅唔尊重樂器
打橫彈大提琴? 網民笑楊千嬅唔尊重樂器

有網友開post話「忠於自己之前,尊重下啲樂器好喎?」,亦有人好期待千嬅咁樣彈大提琴。小編搵過資料,呢件樂器可能係大提琴(Cello)或者低音提琴(Double Bass),前者多數要用弓彈奏;後者如果係用嚟演奏爵士樂,的確可以用手彈,亦真係有人打橫彈,不過並不常見,而且都要坐住先可以打橫彈。如果千嬅真係學識玩Double Bass,咁又真係升晒呢,仲可以等質疑佢嘅網民冇聲出,可以考慮喎。

打橫彈大提琴? 網民笑楊千嬅唔尊重樂器
打橫彈大提琴? 網民笑楊千嬅唔尊重樂器

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能