技安小喇叭 用佢播歌一秒變出崩壞歌聲

19+

 

先搞清一樣嘢︰技安,亦即係《多啦A夢》嘅胖虎。

 

技安定胖虎,唔同年代嘅觀眾都知,

佢最鍾意恰大雄,同埋唱歌好難聽。

 

神奇嘅日本人居然又諗到商機,

就係用技安喺公園仔水管上唱歌嘅場面,整成一個喇叭。

成件事fit晒?未算!

 

最大賣點係,你㩒一下個技安公仔,

播出來嘅歌聲,會立即變得好難聽,好似真係技安唱咁難聽!

為免影響聽覺,再㩒就會變返正常歌聲,

當然你可以搵個唱歌好難聽嘅歌手,

播佢首歌出來播,都一樣咁貼切。你會揀邊個先……

 

據講日本亞馬遜網購平台已經賣到冇貨,

亦有人將呢批喇叭放入夾公仔機。

趁7月大減價去開日本嘅,麻煩買個俾我做手信~~

 

原文傳送門

你可能還想看