技窮?TVB上半年一半劇集係查案劇 下半年仲有幾多套出街?

·2 分鐘文章

2021年上半年就快過去,係時候做個小結算。今年TVB搵曾志偉做高層,主力改革綜藝節目對撼ViuTV,但係成績未見突出。至於另一重點黃金時段兩線劇集方面,上半年收視十分普通,除咗《逆天奇案》稍有起色,頭3個禮拜平均超過26點以外,其餘都係平均23-24點埋單。

收視麻麻以外,題材劇種都係一大問題。睇返資料,上半年TVB播咗同即將播嘅劇集,半數係查案劇!

陀槍師姐2021

《陀槍》系列向來都係查案為主,呢輯都唔例外,不過收視比起前4輯爭得遠。
《陀槍》系列向來都係查案為主,呢輯都唔例外,不過收視比起前4輯爭得遠。

伙記辦大事

有「收視福將」歐陽震華加埋「馬神」馬德鐘,以為可以為上半年收視「沖喜」,點知大跌眼鏡。
有「收視福將」歐陽震華加埋「馬神」馬德鐘,以為可以為上半年收視「沖喜」,點知大跌眼鏡。

逆天奇案

陳展鵬3年來首套出街劇集,部份集數同《伙記辦大事》分佔8點半及9點半時段,觀眾成晚變晒偵探,但係反而收視更優勝,暫時係上半年最高收視劇集。
陳展鵬3年來首套出街劇集,部份集數同《伙記辦大事》分佔8點半及9點半時段,觀眾成晚變晒偵探,但係反而收視更優勝,暫時係上半年最高收視劇集。

一笑渡凡間

連講佛理嘅古裝劇都查案,真係佩服!
連講佛理嘅古裝劇都查案,真係佩服!

呢個月仲有3套新劇出街,除咗講湊B嘅《寶寶大過天》之外,呢2套都係一案接一案嘅劇種!

刑偵日記

呢套係《刑事偵輯檔案》系列新作,《刑偵》可以話係TVB查案劇始祖之一,《刑偵日記》形式都會大同小異。不過呢套有惠英紅做人格分裂患者,值得期待。
呢套係《刑事偵輯檔案》系列新作,《刑偵》可以話係TVB查案劇始祖之一,《刑偵日記》形式都會大同小異。不過呢套有惠英紅做人格分裂患者,值得期待。

欺詐劇團

與其話係查案劇,不如話係「做案劇」,以鄭丹瑞為首嘅7個電影人,運用本身嘅專業知識去呃呃氹氹。TVB繼《香港愛情故事》之後再拍短篇劇,得7集都要分成幾個故事。
與其話係查案劇,不如話係「做案劇」,以鄭丹瑞為首嘅7個電影人,運用本身嘅專業知識去呃呃氹氹。TVB繼《香港愛情故事》之後再拍短篇劇,得7集都要分成幾個故事。

睇埋已經拍起嘅劇集,仲有《飛虎之壯志英雄》、《黯夜守護者》同埋《把關者們》都會係查案/紀律部隊劇,而《金宵大廈2》同《星空下的仁醫》都應該係以唔同個案/奇聞串插全劇,觀眾們睇飽未?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能