技窮?TVB上半年一半劇集係查案劇 下半年仲有幾多套出街?
2021年上半年就快過去,係時候做個小結算。今年TVB搵曾志偉做高層,主力改革綜藝節目對撼ViuTV,但係成績未見突出。至於另一重點黃金時段兩線劇集方面,上半年收視十分普通,除咗《逆天奇案》稍有起色,頭3個禮拜平均超過26點以外,其餘都係平均23-24點埋單。
收視麻麻以外,題材劇種都係一大問題。睇返資料,上半年TVB播咗同即將播嘅劇集,半數係查案劇!
陀槍師姐2021
伙記辦大事
逆天奇案
一笑渡凡間
呢個月仲有3套新劇出街,除咗講湊B嘅《寶寶大過天》之外,呢2套都係一案接一案嘅劇種!
刑偵日記
欺詐劇團
睇埋已經拍起嘅劇集,仲有《飛虎之壯志英雄》、《黯夜守護者》同埋《把關者們》都會係查案/紀律部隊劇,而《金宵大廈2》同《星空下的仁醫》都應該係以唔同個案/奇聞串插全劇,觀眾們睇飽未?
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!