投資有道 海外插旗 陳靜5物業揸手 繼續掃磚頭

女星陳靜分享投資心得，鍾情買磚頭保值的她有好幾個物業在手，對商廈投資亦感興趣。而最近重返娘家拍攝的廖碧兒開到口恨拍劇，歡迎各電視台招手。

陳靜（DaDa）、廖碧兒及林德信等前晚現身中環藝術展開幕禮，DaDa談到投資心得，表示有研究市場上不同的新型投資產品，以前她都有買股票，但始終覺得買磚頭最穩陣，最近有留意商廈。問到是否有很多物業？她坦言：「連埋海外嘅都係5隻手指。」她自住的單位放租，另外租住一個有平台的單位，方便做運動，又說：「買樓投資嘅嘢都係媽咪教嘅，我第一個物業就係同家姐夾份，會繼續朝住投資物業方向為主。」

今年情人節她在網上公開收到大束玫瑰花的照片，問到是否已找到人生最重要的另一半？她怕醜笑說：「紮花係朋友送嘅，大家誤會啦！（係追求者？）我依家係單身。」她又分享擇偶條件：「要善良、愛家人、錫我亦都要錫自己，如果開始得嘅都會視為結婚對象，我唔排除閃婚，但結咗婚先會生小朋友。」

廖碧兒恨怕劇

同場的廖碧兒早前飛到美國觀賞韓國男團BTS演唱會，本來計劃逗留多幾日旅遊，豈料原本回港的航班因為熔斷機制而取消，礙於在港有工作，最終買了一張6萬港元的單程直航機票返港：「同機仲有乘客確診，好彩自己冇中招。」她現時正修讀商科碩士課程，希望對其紅酒生意有幫助。提到最近亮相方力申主持的無綫節目《鬼上你架車3》，是她相隔11年重返娘家，她笑言在電視城幾乎迷路，但入到化妝間非常興奮，亦想再嘗拍劇滋味：「我唔怕辛苦，好享受拍劇嘅機會，歡迎任何平台搵我合作。」