披荊斬棘的哥哥|張智霖投資從未蝕錢自爆5年內退出幕前 陳小春7千萬購入相連單位?

·3 分鐘文章
《披荊斬棘的哥哥》
《披荊斬棘的哥哥》

內地綜藝真人騷《披荊斬棘的哥哥》熱潮未減,觀眾睇住一班「哥哥們」喺節目大鬥唱功與舞,不過有唔少討論聲音都圍繞住佢哋嘅豐厚身家,尤其係張智霖、陳小春、張晉以及武打明星趙文卓,堪稱為「4大巨頭」。

50歲張智霖投資當道,計劃退出幕前?
張智霖喺娛樂圈中嘅寵妻狂魔,都會豪砸巨額買名牌手袋嚟氹老婆袁詠儀(靚靚)開心,保守估計袁詠儀已擁有雙位數嘅Hermès手袋,仲未計其他品牌手袋都應該超過2千萬港元。而張智霖自己以前就中意買名車,而家就改為收藏名畫作投資。據悉,佢曾用約4、5百萬港元購入草間彌生「南瓜畫作」,估計已升值至近千萬,同時又喺2017年以9千萬買入淺水灣海景豪宅,估計價值現以已過億。張智霖亦曾自爆投資名畫從來未蝕過錢,計劃將喺5年內退出幕前,轉為幕後或開設製作公司。

張智霖 & 袁詠儀
張智霖 & 袁詠儀
張智霖 & 袁詠儀
張智霖 & 袁詠儀

54歲陳小春7千萬購入相連單位
陳小春身家豐厚,有指佢一齣電影片酬竟已過百萬,更有指2017年接拍內地綜藝節目《爸爸去哪兒5》嘅每集酬勞都有成180萬,吸金力極強。2011年,陳小春以約2千9百萬買入天賦海灣第一期高層四房單位,老婆應采兒亦以7百多萬購入逸瓏灣II一個細單位,後嚟2015年陳小春再以私人名義斥資約7027萬元買入逸瓏灣II第8座另一個高層3,788呎A室及B室,內地節目《妻子的浪漫旅行》其中一集於陳小春屋企拍攝,囝囝Jasper嘅房好明顯比一般家庭客廳仲要大,而且所入讀嘅國際學校,每年學費就要20多萬。

陳小春 & 應采兒
陳小春 & 應采兒
陳小春 & 應采兒
陳小春 & 應采兒

47歲張晉收入上繳老婆蔡少芬
據指張晉喺2015年一齣戲嘅片酬已高達4百萬,不過張晉就曾表示唔知自己工作酬勞有幾多,總之全部收入都會畀晒老婆蔡少芬管理,自己就只會問蔡少芬拎返零用錢。曾經有報導指,蔡少芬中意買樓同股票投資,宜家與張晉分別喺北京、重慶及香港擁有9個物業,包括4個香港豪宅單位,2016年市值逾1.5億。

蔡少芬 & 張晉
蔡少芬 & 張晉
蔡少芬 & 張晉
蔡少芬 & 張晉

49歲趙文卓片酬高,買樓投資
武打演員趙文卓與內地演員張丹露結婚15年,育有2囡1仔。據悉,趙文卓「黃飛鴻」形象深入民心,電影片酬由5百萬到全盛時期升至2千萬,所以一有收入就會買樓投資,僅喺北京就有6棟別墅、10個物業。趙文卓試過喺社文平台開Live意外將豪宅曝光,唔單止設有私人健身室,家居面積大到可以跑步咁濟。趙文卓大女趙子儀仲要喺瑞士著名寄宿學校羅西學院留學,同學都非富則貴,估計每年學費及生活費都要約過百萬。

趙文卓 & 張丹露
趙文卓 & 張丹露
趙文卓 & 張丹露
趙文卓 & 張丹露
張智霖
張智霖
陳小春
陳小春
張晉
張晉
趙文卓
趙文卓

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能